اپنی دعاؤں میں یاد رکھیں اور ۔۔ شادی کے بعد نیلم منیر کا پہلا پیغام! لاکھوں کے جوڑے نے ایک بار پھر سوشل میڈیا پر ہلچل مچا دی

"زندگی کے ایک نئے اور خوبصورت سفر کا آغاز بسم اللہ کے ساتھ کیا ہے۔ اپنی دعاؤں میں یاد رکھیں۔" نیلم منیر نے یہ الفاظ ادا کیے، جن میں ان کی خوشی اور شکر گزاری جھلکتی ہے۔

حال ہی میں دبئی کے دلکش ماحول میں نیلم منیر نے محمد راشد کے ساتھ ازدواجی بندھن میں بندھ کر اپنی زندگی کا ایک نیا باب کھولا۔ ان کی شادی کی تقریبات نے مداحوں کی توجہ اپنی طرف کھینچ لی ہیں، اور نیلم کی ہر جھلک سوشل میڈیا پر دھوم مچا رہی ہے۔

اداکارہ نے انسٹاگرام پر اپنے فوٹو شوٹ کی تازہ ترین تصاویر شیئر کیں، جن میں ان کا دلہن کا روپ دیکھنے والوں کو مسحور کر رہا ہے۔ شاندار عروسی لباس میں نیلم کی خوبصورتی اور پرکشش انداز ہر تصویر میں عیاں ہے۔ دلکش پوز اور شاندار لوکیشنز نے ان تصاویر کو کسی خواب جیسا بنا دیا ہے۔

مداح ان تصاویر پر دل کھول کر محبت کا اظہار کر رہے ہیں، جہاں دعاؤں اور مبارکباد کے پیغامات کا تانتا بندھا ہوا ہے۔ نیلم کی یہ تصاویر نہ صرف ان کی خوشیوں کی جھلک ہیں بلکہ یہ ان کے لیے نیک خواہشات کا پلندہ بھی لے کر آئی ہیں۔ ہر زاویہ، ہر منظر ایک نئی کہانی بیان کر رہا ہے، اور یہ واضح ہے کہ نیلم کے مداح ان کی زندگی کے اس خوبصورت موڑ پر بے حد خوش ہیں۔

واضح رہے نیلم نے ان تصاویر میں حارث شکیل آفیشل کا جوڑا زیب تن کر رکھا ہے جس کی قیمت 5 لاکھ روپے ہے جبکہ میک اپ رابعہ انعم سیلون اور جیولری نیشکل جیولرز آفیشل کے ہیں جبکہ اسٹائلنگ اسٹائل بائے کنزا رضا سے کروائی گئی ہے۔