کپڑے سیتے ہوئے بار بار دھاگہ ٹوٹتا ہے یا سلائی خراب ہوتی ہے؟ گھر بیٹھے سلائی مشین ٹھیک کرنے کا وہی طریقہ جو کاریگر بھی استعمال کرتے ہیں

سلائی مشین صرف خواتین کی ہی نہیں بلکہ مرد حضرات کی بھی ضرورت بن گئی ہے ۔ ایک سے بڑھ کر ایک درزی حضرات موجود ہیں اور گھروں میں درزنیں ہیں جو کپڑوں کو مہارت سے سیتی ہیں اور سلائی مشین کو سیٹ کرتی رہتی ہیں۔ مشین کی دیگر چیزوں سے متعلق ہم نے بتایا تھا جس پر لوگوں کی جانب سے کمنٹ کرکے یہ پوچھا گیا تھا کہ سلائی مشین اگر دھاگہ زیادہ توڑے تو کیا کریں، آسان ٹپ جو گھر بیٹھے آپ کرسکتے ہیں جس سے آپ کی مشین نہ تو دھاگہ توڑے گی اور نہ رُکے گی۔

دھاگہ توڑنے سے بچانے کی ٹپ:

٭ مشین کا تیل سارے پرزوں میں ڈالیئے۔
٭ جہاں دھاگہ ڈالتی ہیں، اس میں بھی ڈالیئے اور تھوڑا سا تیل دھاگے پر بھی ڈالیئے۔
٭ اس کے بعد مشین کو تھوڑی دیر چلائیے اور دیکھیں کہ دھاگہ ٹوٹ رہا ہے یا نہیں، اگر کوئی زیادہ مسئلہ نہیں ہوا ہوگا تو دھاگہ نہیں ٹوٹے گا۔
٭ پھر بھی دھاگہ ٹوٹے تو آپ مشین کا گز بدل کر چیک کرلیں۔ اس سے دھاگہ نہیں ٹوٹے گا اور چاند کو بھی بدل لیجیئے۔

مشین کا دھاگہ کب ٹوٹتا ہے؟

جب مشین کے اندر لگی چھوٹی سی دھاگے کی ڈبی کا دھاگہ بہت زیادہ ٹائٹ یعنی کَس جاتا ہے یا پھر ڈھیلا ہوجاتا ہے تو اس صورت میں مشین چلتے چلتے دھاگہ ٹوٹ جاتا ہے۔

سلائی خراب آنا:

کپڑے پر سلائی لگاتے وقت ان پر دھاگے سے کھچاؤ اور سلوٹیں بن جاتی ہے جس سے سلائی میں نفاست نہیں کھائی دیتی اور بعض اوقات تو گُچھا بھی بن جاتا ہے۔ اس سے بچنے کیلیئے ایک آسان طریقہ:
٭ مشین میں سلائی کی جگہ پر لگا ہوا اُسکا پیر کھولیں، پیر کھولنے کے بعد اسکی پٹری کھولنے کیلیئے وہاں دو اِسکُرو لگے ہونگے انہیں بھی کھول کر نیچے لگی پلیٹ نکال لیں۔ اب سب سے پہلے انگلی سے چیک کریں کہ جس سوراخ میں سوئی ڈالی جاتی ہے وہ کُھردُرا تو نہیں اگر اس میں خراش محسوس ہو تو آپکو کرنا یہ ہے کہ، ریگ مال کا ایک ٹکڑا لے کر اسکی مدد سے اس جگہ کی گھسائی کریں اور اس وقت تک گھسیں جب تک کہ پلیٹ کی سطح ہموار نہ ہوجائے۔ اب اس پلیٹ کو واپس اسکی جگہ پر لگا کر دونوں پیچ لگانے کے بعد اسکا پاؤں بھی لگادیں۔ جب یہ سب ہوجائے تو مشین سے سلائی لگا کر چیک کرلیں کہ اب تو اس میں کھچاؤ نہیں۔

وقت کپڑے پر دانہ محسوس ہونا:

اگر کپڑے میں نیچے کی طرف سے دانہ یا کھچاؤ محسوس ہو تومشین پر لگی چوڑیوں کو 2 سے 3 بار ٹائٹ کرلیں اور اگر دانہ اوپر کی جانب سے محسوس ہوتو 2 سے 3 چوڑیاں ڈھیلی کریں۔