مجھ سے ایسی کیا غلطی ہوگئی۔۔ فضا علی کی بدتمیزی کے باوجود سہیل ورائچ ان سے معافی کیوں مانگنے لگے؟

Sohail Warraich Reply to Fiza Ali Statement

ٹی وی اسکرین پر عیدالاضحیٰ کے اسپیشل شو میں ایک لمحے نے پورے سوشل میڈیا کو گرما دیا۔ فضا علی نے قمر شاہد کے شو کھیل ہی کھیل میں مشہور شخصیات کے لیے متبادل پیشے ڈھونڈنے کا چیلنج قبول کیا۔

اور جب سہیل وڑائچ کی باری آئی تو بول پڑیں، اگر سہیل وڑائچ صحافی نہ ہوتے تو شاید ٹاپ اداکاراؤں کے واش روم کلینر ہوتے، آخر وہ اتنے واش روم دیکھ چکے ہیں— پتا نہیں صرف دیکھے ہیں یا صاف بھی کیے ہیں۔

یہ جملہ سُن کر کچھ لوگوں نے تالیاں بجائیں، کچھ نے تنقید کی، اور فضا ٹوئٹر ٹرینڈ بن گئیں۔ اب جواب دیا ہے خود سہیل وڑائچ نے، جی این این کے پروگرام جی کے سنگ میں محسن بھٹی کے سوالوں پر مسکراتے ہوئے۔

ان کا کہنا تھا، اس میں ناراضی والی بات ہی نہیں۔ تنقید سب کا حق ہے، میں خود کرتا ہوں۔ مجھے فضا سے کوئی گلہ نہیں۔ پہلی فرصت میں اُسے انٹرویو کروں گا، عزت سے پوچھوں گا کہ مجھ سے کیا غلطی ہوئی اور معافی بھی مانگ لوں گا۔ یہ سب ڈرائنگ رُوم کی گپ شپ تھی، برا ماننے کی ضرورت نہیں۔

انہوں نے مزید بتایا کہ صباء قمر کی تین سال پرانی ڈمی سہیل وڑائچ والی ویڈیو پر بھی وہ خوش تھے۔

انہوں نے دل بڑا رکھتے ہوئے کہا، میمز مجھے بالکل بُری نہیں لگتیں۔ جو آرٹسٹ محنت سے کسی کی نقل اتارتے ہیں، میں اُن کی عزت کرتا ہوں۔ کاپی ہونا میرے لیے اعزاز ہے۔