شہد میں لہسن ملا کر استعمال کرنے سے کیا ہوتا ہے؟ جانیئے شہد کا منفرد استعمال اور اس کے حیرت انگیز فوائد

شہد میں لہسن کو ملا کر اس کا استعمال کئی صدیوں سے کھانسی، سردی اور وزن کم کرنے کے لئے کیا جا رہا ہے شہد ہو یا لہسن دونوں ہی قوتِ مدافعت بڑھانے کی خصوصیات سے بھرپور ہوتے ہیں اور ان دونوں میں موجود قدرتی اجزاء جسم پر حیرت انگیز مثبت اثرات چھوڑتے ہیں، جنہیں آج ہم اس تحریر میں آپ کو بتائیں گے۔

• لہسن اور شہد

لہسن میں ایک ایسا قدرتی کمپاؤنڈ موجود ہوتا ہے جو امیونٹی کو بوسٹ کرتا ہے بہت سی تحقیقات میں یہ بات بتائی گئی ہے کہ لہسن میں بھرپور اینٹی آکسیڈنٹس، اینٹی انفلامٹری، اینٹی مائیکروبیئل خصوصیات موجود ہوتی ہیں جبکہ شہد میں بھی اینٹی مائیکروبئیل اور جراثیم کش خصوصیات موجود ہوتی ہیں اور جب ان دونوں کو ملا کر استعمال کیا جائے تو یہ ایک طاقتور گھریلو نسخے کے طور پر کام کرتے ہیں جو کہ امیون سسٹم کو بوسٹ کرتے ہیں اور صحت میں اضافے کا سبب بنتے ہیں۔

لہسن اور شہد کو کیسے استعمال کیا جائے؟

لہسن اور شہد کو استعمال کرنے کا سب سے آسان طریقہ یہ ہے کہ لہسن کو کوٹ کر یا کدوکش کر کے شہد میں ملا کر استعمال کیا جائے، آپ اسے بنا کر رکھ بھی سکتے ہیں تاکہ جب ضرورت ہو اسے استعمال کر سکیں۔

اجزاء

• لہسن 12 عدد چھلے ہوئے
• شہد ایک کپ خالص

ترکیب

• سب سے پہلے تو شہد اور لہسن کو بنا کر رکھنے کے لئے آپ کو ایک ائیر ٹائیٹ کنٹینر لینا ہے، اسے دھو کر صاف کر لیں اور خشک کر لیں۔
• اب لہسن کو چھیل کر اسے چاہے تو کدوکش کر لیں یا کوٹ لیں۔
• اب یہ لہسن ائیر ٹائیٹ کنٹینر میں ڈالیں اور اوپر سے اس میں شہد بھر لیں۔
• اب دونوں اجزاء کو چمچ کی مدد سے اچھی طرح مکس کریں اور 3 دن کے لئے ڈھکن بند کر کے اسے چھوڑ دیں۔
• اب اسے روزانہ استعمال کریں اور روزانہ چلائیں، آپ اسے ایک ماہ تک فریج میں رکھ کر استعمال کر سکتے ہیں۔

شہد اور لہسن کو کس وقت استعمال کیا جائے؟

آپ اس شہد اور لہسن کے ٹانک کو دن میں کسی بھی وقت استعمال کر سکتے ہیں لیکن ماہرین کے مطابق صبح سویرے نہار منہ اس کا استعمال آپ کی صحت کے لئے بہترین ہے، بس اسے ایک چائے کا چمچ کھائیں اور اس کا استعمال جاری رکھیں، آپ اس کے فوائد دیکھ کر حیران رہ جائیں گے۔

By Sadia    |    In Health and Fitness   |    0 Comments    |    571 Views    |    26 Oct 2021

Comments/Ask Question

Read Blog about شہد میں لہسن ملا کر استعمال کرنے سے کیا ہوتا ہے؟ جانیئے شہد کا منفرد استعمال اور اس کے حیرت انگیز فوائد and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (شہد میں لہسن ملا کر استعمال کرنے سے کیا ہوتا ہے؟ جانیئے شہد کا منفرد استعمال اور اس کے حیرت انگیز فوائد) and how to utilize other natural ingredients to cure diseases, easy recipes, and other information related to food from KFoods.