اخروٹ کو بھگو کر کھانے سے کیا فائدہ حاصل ہوتا ہے؟ خشک میوہ جات اخروٹ کے وہ فائدے جو ڈاکٹرز بھی بتاتے ہیں

اخروٹ ایک خشک میوہ جات ہے جس کے کئی طبی فوائد موجود ہیں۔ سردیوں کی سوغات مانا جانے والا یہ پھل ہر چھوٹا بڑا شخص بہت شوق سے کھاتا ہے۔

ہم اخروٹ کو اکثر ثابت ہی کھاتے ہیں مگر کیا آپ لوگ جانتے ہیں کہ اخروٹ کو بھگا کر کھانے سے کیا ہوتا ہے؟

ماہرین کے مطابق دماغ جیسی شکل کا دکھنے والے اخروٹ کو صبح ناشتے میں بھگو کر کھانےسے جسم میں حیرت انگیز اثرات مرتب ہوتے ہیں۔

توانائی میں اضافہ پیدا کرے

میوہ اور بیجوں میں فیٹس، پروٹین اور فائبر کی مقدار زیادہ پائی جاتی ہے جو پورا دن جسم کو توانائی فراہم کرتی ہے تاہم بھیگا ہوا اخروٹ کھانے سے زیادہ جلدی توانائی ملتی ہے کیونکہ ایسے میوے جلدی ہضم ہوتے ہیں۔

نظام ہاضمہ کے لیے مفید

رات بھر بھیگے اخروٹ یا کوئی اور خشک میوہ جات اور زیادہ طاقتور غذاء بن جاتی ہے کیونکہ رات بھر بھیگے رہنے سے اخروٹ میں موجود انزائمز فعال ہوجاتے ہیں جو نظام ہاضمہ کیلئے بہترین بن جاتے ہیں۔

جسم سے خشکی دور کرے

رات بھر بھیگے رہنے سے اخروٹ پانی جذب کرلیتا ہے ایسے میوے کا استعمال آپ کے جسم میں پانی کی سطح کو بڑھا سکتا ہے،ماہرین کے مطابق پانی کی سطح جسم میں برابر ہونے سے جسم کے تمام اعضا بہتر طور پر کام کرتے ہیں۔