پتا چلا کہ ماں کو کینسر ہے تو دل ٹوٹ گیا.. شگفتہ اعجاز مرحومہ والدہ کو یاد کرتے ہوئے جذباتی ہوگئیں

"میری والدہ کی کینسر سے بہت تکلیف دہ جنگ تھی اور ٹریٹمینٹ کا سفر بالکل بھی آسان نہیں تھا۔ وہ ایک بہت بہادر خاتون تھیں اور اپنے علاج کے دوران ثابت قدم رہیں لیکن یہ کوئی آسان کارنامہ نہیں تھا۔ جب مجھے والدہ کے کینسر کے بارے میں پتہ چلا تو میرا دل ٹوٹ گیا"

شگفتہ اعجاز ایک سینئر اسٹار ہیں جو اپنی بہترین اداکاری، خوش لباسی اور اپنے تمام مداحوں کے ساتھ محبت بھرا رویہ رکھنے کی وجہ سے شہرت رکھتی ہیں۔ حال ہی میں شگفتہ نے کچھ عرصہ پہلے انتقال کرجانے والی والدہ کے حوالے سے چند باتیں کیں۔

شگفتہ اعجاز نے اپنی والدہ کا کینسر کا دردناک سفر شیئر کیا۔انھوں نے بتایا کہ کینسر کا پتہ لگانا سب سے اہم ہے۔ میری ماں کو پہلے بچہ دانی کا کینسر تھا یہ برسوں پہلے کی بات ہے اور اس وقت مجھے معلوم نہیں تھا کہ اگر کینسر کا پہلے پتہ لگ جائے تو وہ قابل علاج ہے۔ کئی سالوں بعد ماں کو چھاتی کا کینسر ہو گیا اور اس کی تشخیص بھی چوتھے اسٹیج پر ہوئی۔ کینسر کا علم ہونا اور علاج کے دوران خاندانی تعاون سب سے اہم ہے۔ میری والدہ کے اعضاء میں کینسر پھیل گیا اور وہ 2021 کے آخر میں اس فانی دنیا سے چلی گئیں۔ کینسر سے متعلق آگاہی ضروری ہے اور جن لوگوں کے خاندانوں میں کینسر کی تاریخ ہے ان کی اسکریننگ کرائی جانی چاہیے۔