کمپاؤنڈر تھا اور فوڈ ڈیلیور کر کے گھر کا خرچہ چلاتا تھا۔۔ کراچی کے معصوم فہد کو کیوں موت کی نیند سلا دیا گیا؟ واقعے نے ہر آنکھ اشکبار کردی

لاوارث شہر کراچی اپنے ایک اور بیٹے سے محروم ہوگیا۔ جانے کراچی کے شہری اور کتنی بار اپنے بے گناہ پیاروں کی لاشیں اٹھائیں گے۔ نوجوان فہد جو ایک سیدھا سادا نوجوان تھا۔ جس کی شرافت کا گواہ پورا محلہ تھا صرف چند ہزار کے موبائل کی خاطر اس کی جان لے لی گئی۔

سوشل میڈیا پر موجود اطلاعات کے موجود فہد بہت ہی اچھے کردار کا محنتی بچہ تھا۔ فہد کو تقریبا پورا فیڈرل بی ایریا بلاک، 15, 16، اور بلاک 9 جانتا ہے۔ ڈاکٹر سعود کے کلینک پر کمپاؤنڈنگ کرتا تھا اور گھر چلانے میں مدد کرتا تھا ڈاکٹر صاحب کا کلینک بند ہونے کے بعد بائیکیا بھی چلاتا اور آرڈر ڈیلور کرتا تھا۔

جبکہ جنگ نیوز کے مطابق گزشتہ شب کراچی میں شارع فیصل پر نرسری کے قریب ڈکیتی کے دوران مزاحمت پر فائرنگ سے فہد شہید ہوگیا۔ ایک غریب بائیکیا چلانے والے نوجوان نے جانے کتنی مشکلوں سے موبائل خریدا ہوگا اور وہ کتنی ضرورتیں پوری کرتا ہوگا جو اپنی موت سامنے دیکھ کر بھی موبائل کے لئے مزاحمت کر بیٹھا لیکن بھلا اس پر کسے ترس آنا تھا۔ لالچی بھیڑیوں نے ایک ماں کے لال کو صرف چند ہزار کی بے جان چیز کے لئے موت کے گھاٹ اتار دیا۔

پولیس کا کہنا ہے کہ جائے واردات کے اطراف کی سی سی ٹی وی حاصل کرنے کی کوشش کی جارہی ہے لیکن جانے کتنے ہی فہد جان سے چلے گئے مگر کراچی کے شہریوں کو نہ تو انصاف مل سکا نہ ہی ان کی جانوں کی حفاظت ممکن بنائی گئی۔