ساس نہیں چاہتی تھیں کہ بہو اداکاری کرے۔۔ کاجول کے کیریئر کی قربانی جس کے بارے میں کبھی بات نہیں کی گئی

1990 میں منظر عام پر آتے ہی چھا جانے والی بالی وڈ اداکارہ کاجول کا جادو آج بھی سر چڑھ کر بولتا ہے۔ کاجول نے اپنے کیریئر کے عروج پر ہی اداکار اجے دیوگن سے شادی کر کے سب کو چونکا دیا تھا کیوں کہ اس زمانے میں شادی کو اداکاراؤں کے کیرئیر کا اختتام سمجھا جاتا تھا۔ کاجول نے شادی کے بعد فلموں میں اداکاری تو کی لیکن حال ہی میں مشہور فلم ساز سنیل درشن کے انکشاف سے ظاہر ہوتا ہے کہ کاجول کے لئے اداکاری کا سفر جاری کرنا کچھ اتنا آسان بھی نہیں تھا۔

“کاجول کے ہونے والے سسرالی یعنی اجے دیوگن کے گھر والے نہیں چاہتے تھے کہ ان کی بہو فلموں میں اداکاری کرے۔ یہ بات مجھ سے کاجول کی والدہ تنوجا نے خود کہی۔ کاجول میری فلم میں کام کرنے والی تھیں لیکن پھر مجھے کاجول کی جگہ شلپا شیٹھی کو فلم میں لینا پڑا“

کاجول کی والدہ نے کہا کہ میری بیٹی کو فلم سے نکال دو

سنیل درشن نے اس حوالے سے بات کرتے ہوئے مزید بتایا کہ ماضی کی اداکارہ اور کاجول کی والدہ تنوجا نے سنیل درشن کو اپنے گھر بلایا اور کہا کہ “تم جانتے ہو کاجول کی شادی ہونے والی ہے اور اجے کے گھر والے نہیں چاہتے کہ ان کے گھر کی بہو اداکاری کرے اس لئے تم کاجول کو فلم سے نکال دو۔ جس پر میں نے انھیں تسلی دی اور کہا کہ میں ان کے فیصلے کی عزت کرتا ہوں“

کاجول اور ساس کے تعلقات

واضح رہے کہ کاجول اور اجے کی شادی 24 فروری 1999 میں ممبئی میں ہوئی۔ کاجول کا تعلق مہاراشٹر اور بنگال سے ہے جبکہ اجے کا تعلق پنجاب سے ہے۔ اجے کی والدہ وینا دیوگن بھی فلم پروڈیوسر ہیں اور اپنی بہو کاجول سے ان کے مثالی تعلقات ہیں۔

By Khush Bakht  |   In News  |   0 Comments   |   1076 Views   |   01 Dec 2022
Related Articles
Top Trending
Comments/Ask Question

Read Blog about ساس نہیں چاہتی تھیں کہ بہو اداکاری کرے۔۔ کاجول کے کیریئر کی قربانی جس کے بارے میں کبھی بات نہیں کی گئی and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ساس نہیں چاہتی تھیں کہ بہو اداکاری کرے۔۔ کاجول کے کیریئر کی قربانی جس کے بارے میں کبھی بات نہیں کی گئی) and how to utilize other natural ingredients to cure diseases, easy recipes, and other information related to food from KFoods.