عید پر پاکستانی ٹچ۔۔ ثانیہ مرزا نے کس ڈیزائنر کا جوڑا پہنا اور قیمت کی تھی؟

Sania Mirza Eid Dress Price

بھارتی سابقہ ٹینس اسٹار ثانیہ مرزا کے دل میں پاکستانی ملبوسات کے لیے نرم گوشہ آج بھی برقرار ہے۔ چاہے زندگی میں کتنی ہی تبدیلیاں آ جائیں، ان کا اسٹائل ہمیشہ دلکش اور منفرد رہتا ہے۔ اس بار بھی عید الفطر کے موقع پر انہوں نے اپنی شاندار روایتی خوبصورتی کو چار چاند لگانے کے لیے پاکستانی ڈیزائنر ثانیہ مسکتیہ کا تخلیق کردہ جوڑا چُنا۔

انسٹاگرام پر مداحوں کے ساتھ عید کی خوشیاں بانٹتے ہوئے، ثانیہ مرزا نے اپنی فیملی کے ساتھ چند حسین تصاویر شیئر کیں۔ وہ ہمیشہ کی طرح خوبصورت اور پُرکشش نظر آئیں، لیکن اس بار ان کا کریمی اور بلش پنک امتزاج والا کھڈی سلک کرتا، ٹیولپ شلوار اور آرگنزا دوپٹہ خاص توجہ کا مرکز بن گیا۔

یہ خوبصورت جوڑا پاکستانی ڈیزائنر ثانیہ مسکتیہ کا ہے، جس کی قیمت ایک لاکھ 14 ہزار پاکستانی روپے ہے۔

ثانیہ مرزا ہی نہیں، بلکہ ان کے بیٹے اذہان مرزا ملک اور والدہ نسیمہ مرزا نے بھی اسی پاکستانی برانڈ کے ملبوسات کو منتخب کیا۔ یوں لگ رہا تھا جیسے یہ ایک نہیں، بلکہ تین نسلوں کا فیشن اسٹیٹمنٹ ہو!

دلچسپ بات یہ ہے کہ یہ پہلا موقع نہیں جب ثانیہ مرزا نے پاکستانی ڈیزائنر کے جوڑے میں عید منائی ہو۔ گزشتہ سال بھی وہ پاکستانی ڈیزائنر نومی انصاری کے تیار کردہ لباس میں جلوہ گر ہو چکی ہیں۔

ثانیہ مرزا کا بار بار پاکستانی برانڈز کا انتخاب اس بات کا ثبوت ہے کہ خوبصورتی اور اسٹائل کسی سرحد کے محتاج نہیں ہوتے۔ چاہے بھارت ہو یا پاکستان، جب بات معیاری اور منفرد فیشن کی ہو، تو ثانیہ مرزا کا دل ہمیشہ پاکستانی ڈیزائنرز کی طرف کھنچتا ہے!