وٹامن کی گولیاں پھیپھڑوں کا کینسر کی وجہ بھی بن سکتی ہیں۔۔ ماہرین کا ملٹی وٹامنز کی گولیوں کے بارے میں نیا انکشاف

آج کل ملٹی وٹامن کھانے کا رواج بڑھتا جارہا ہے جو اگر ڈاکٹر سے پوچھے بغیر کھائی جائیں تو خطرناک بھی ثابت ہوسکتی ہیں۔ اس حوالے سے ماہرین نے لوگوں کو خبردار بھی کیا ہے کہ وٹامن سی اور ای کی گولیاں لینا کس طرح پھیپھڑوں کے کینسر بڑھنے اور پھیلنے کا سبب بن سکتا ہے۔

سوئیڈش سائنس دانوں کی چوہوں پر کی گئی تحقیق سے یہ بات سامنے آئی ہے کہ پہلے سے کینسر میں پبتلا افراد کو غذا میں کسی قسم کی تبدیلی سے گریز کرنا چاہیئے۔

جبکہ وٹامن سی اور ای سے بھرپور صحت مند غذا کے علاوہ سپلیمنٹ کا لینا کینسر کا مرض پھیلنے کا سبب بھی بن سکتا ہے۔

اس حوالے سے جرنل آف کلینکل انویسٹیگیشن میں ایک ایسی تحقیق شائع کی گئی جس میں مناسب خوراک لینے والے چوہوں کو اضافی وٹامنز کے سپلیمینٹس دیے گئے اور دیکھا گیا کہ ان چوہوں کے جسم میں کینسر کی رسولیوں میں خون کی نئی شریانیں بنے لگی تھیںجو ممکنہ طور پر بیماری کے بڑھنے اور پھیلنے کا سبب ہوسکتی ہے۔

تحقیق کرنے والے طبی ماہر ڈاکٹر مارٹن برگو نے اس حوالے سے بتایا کہ آج کل لوگوں میں وٹامنز سپلیمینٹز لینے کا رواج بھی بڑھ گیا ہے اور کچھ لوگن صحت مند خوراک کے باوجود اضافی پسپلیمینٹس لیتے ہیں جو غلط طریقہ کار ہے اس لئے وٹامنز ہمیشہ ڈاکٹر کی رہنمائی کے مطابق استعمال کریں۔