سنا مکی کے ایسے حیرت انگیز فوائد اور طریقہ استعمال جن سے شاید ہی آپ واقف ہوں ۔۔ جانیئے یہ آپ کے لئے کس قدر فائدے مند ہے؟

اس کے پتے مہندی کے پتوں کی طرح تیز سبز جبکہ پھول پیلے ہوتے ہیں، روایات کے مطابق ایک حدیث میں سنا مکی کی اہمیت کچھ یوں بیان کی گئی ہے کہ اگر ''اگر کسی چیز میں موت سے شفا ہوتی (یعنی موت کا علاج کسی دوا میں ہوتا )، تو وہ سنا ہوتی''۔
سنا مکی کا ذائقہ تلخ جبکہ مزاج گرم اور خشک ہے، اسے صدیوں سے گھریلو علاج میں استعمال کر کے اس کی بہترین خصوصیات سے فائدہ اُٹھایا جا رہا ہے، یہ کس لئے استعمال کی جاتی ہے اس کے استعمال کا طریقہ کیا ہے اور اس کے فوائد کیا ہیں آیئے اس پر تفصیل سے بات کرتے ہیں۔

سنا مکی کے حیرت انگیز فوائد اور طریقہ استعمال

سنا مکی کا استعمال قبض، پیٹ کے کیڑوں، آنتوں کےسرطان، بخار اور جسم سے فاسد مادّوں کے اخراج کے لیے فائدہ مند ہے۔

• پیٹ درد اور قبض سے نجات

پیٹ درد اور قبض یا یوں کہ لیجیئے کہ نظامِ ہاضمہ سے جڑے مسائل کو حل کرنے کے لئے سنا مکی کا سفوف صبح و شام آدھا چمچ کریں تو بےحد فائدہ ہوگا۔
آنتوں کے سرطان بخار اور جسم سے فاسد اور زیریلے مادوں کے اخراج کے لئے بھی سنا مکی کو صبح و شام سفوف بنا کر استعمال کرنا مفید ہے۔

• جلدی امراض اور عرق النساء سے نجات

سنا مکی جلدی امراض، عِرق النساء، مرگی اور بال جھڑ کے علاج کے لئے بھی استعمال کیا جاتا ہے، ان تمام مسائل کے علاج کے لئے آدھے چمچ سنا مکی کے سفوف میں شہد مکس کر کے صُبح و شام استعمال کریں۔

• درد میں مفید

سنا مکی پٹھوں اور جسمانی اعضاء کے کھچاؤ اور درد کو دور کرتی ہے اس کے استعمال سے جسمانی درد میں کمی آتی ہے درد کی صورت میں سنا مکی کا قہوہ بنا کر پینا بےحد مفید ہے یہ جوڑوں کے درد کے لئے بھی بےحد مفید ہے۔

• امراضِ قلب میں مفید

سنا مکی امراضِ قلب کو دور کرنے دل کی نالیوں کو صاف کرنے کے لئے مفید ہے، ابنِ سینا نے اسے امراضِ قلب کی ادویات میں استعمال ہونے والی بہترین بوٹی قرار دیا، جبکہ اسے گھریلو نسخوں میں آج بھی دل کی صحت کو برقرار رکھنے کے لئے استعمال کیا جا رہا ہے یہ دل کے فعال کو تقویت دیتی ہے اور خون بھی صاف کرتی ہے۔