کیا آپ جانتے ہیں کہ اگر آپ روزانہ ایک چمچ سیب کا سرکہ پی لیں گے تو کیا ہوگا؟ جانیں اس کے آپ کی صحت پر حیرت انگیز نتائج جو جان کر آپ بھی آج سے ہی ایسا کرنے لگیں گے

روزانہ سیب کا سرکہ استعمال کرنے کے فوائد ایسے ہیں کہ آپ بھی جان کر روز ہی اس کا استعمال کرنا چاہیں گے، تو پھر دیر کیسی فوری یہ حیرت انگیز فوائد جان لیتے ہیں۔

سیب کے سرکے کے صحت پر فوائد

وزن میں کمی اور میٹابولزم کو فروغ دے

ذیابیطس کیئر کے جرنل میں شائع ہونے والی ایک تحقیق سے معلوم ہوا ہے کہ سیب کے سرکے کو روزانہ ایک چمچ استعمال کرنے سے وزن میں کمی کو فروغ مل سکتا ہے، ایسی کئی خصوصیات ہیں جن میں سیب کے سرکے سے چربی کے خاتمے کی علامات ملی ہیں جبکہ یہ شوگر کو بھی کم کرتا ہے۔

ایک اور تحقیق میں بتایا گیا ہے کہ سیب کے سرکے میں پائے جانے والے ایسیٹک ایسڈ کے استعمال کو بڑھانے سے چوہوں پر کی گئی ایک آزمائش میں ان کے جسم سے چربی میں 10 فیصد کمی واقع ہوئی ہے، جرنل آف دی امریکن ڈائٹٹک ایسوسی ایشن کے 2005 کے مطالعے میں کہا گیا ہے کہ سرکہ کا استعمال زیادہ کارب کھانے کے بعد کریں تو پورے دن میں 200-275 کیلوری کم ہو جاتی ہے۔

بلڈ شوگر کو باقاعدہ بنائے

ایک مطالعہ میں بتایا گیا ہے جو کہ ایریزونا اسٹیٹ یونیورسٹی میں پروفیسر اور ڈائریکٹر برائے نیوٹریشن ڈاکٹر ڈاکٹر کیرول جانسٹن نے کیا تھا کہ سیب کا سرکہ پینے سے وہ لوگ جنہیں ٹائپ 2 ذیابیطس کا خطرہ ہوتا ہے وہ سرکے کے استعمال سے اس بیماری میں پبتلا ہونے سے بچ جاتے ہیں۔

محققین کا کہنا ہےکہ پانی میں دو کھانے کے چمچ سیب کا سرکہ گھول کر سوتے وقت پینے سے خون میں بلڈ شوگر کی سطح کو اوسطا 4-6 فیصد تک کم ہو جاتی ہے۔

جسم کے پی ایچ لیول کو منظم کرے

سیب کے سرکہ میں ایسیٹک ایسڈ ہوتا ہے جو ایک قسم کی تیزابیت کا نام ہے، لیکن آپ کے جسم پر اس کی زیادہ الکلائن اثر ہوتا ہے سیب کے سرکے کا استعمال آپ کے جسمانی پی ایچ میں توازن رکھتا ہے اور آپ کو کینسر جیسی دائمی بیماریوں کے خطرے سے بچاتا ہے ساتھ ہی اس کے استعمال سے آپ کی توانائی میں نمایاں اضافہ بھی ہو سکتا ہے۔

گلے کی سوزش اور ٹھنڈ سے بچائے

سیب کا سرکہ ایسی خصوصیات رکھتا ہے کہ اس کے استعمال سے آپ ٹھنڈ سے بھی محفوظ رہ سکتے ہیں ساتھ ہی آپ کے گلے میں اگر درد اور سوزش ہے تو اس سے بھی نجات مل سکتی ہے اس کے لئے ایک گلاس پانی میں دو کھانے کے چمچ سرکہ گھول کر اسے دن میں تین مرتبہ پی لیں تو ٹھنڈ ختم ہو جائے گی اور گلے کی سوزش میں بھی نمایاں کمی واقع ہو گی۔

دل کی صحت کا خیال رکھے

سیب کا سرکہ خون کی روانی کا بہتر بناتا ہے اور آپ کا بلڈ پریشر کنٹرول میں رہتا ہے، اس کے استعمال سے دل کی مختلف بیماریوں میں مبتلا ہونے کے امکانات کم ہو جاتے ہیں اور اس طرح سیب کا سرکہ استعمال کرنے سے آپ کے دل کی صحت برقرار رہتی ہے۔

سیب کے سرکہ استعمال کیسے کریں؟

اجزاء

ایک گلاس پانی

ایک چمچ لیموں کا رس

ایک چمچ سیب کا سرکہ

ترکیب

ایک گلاس پانی میں ایک چمچ سیب کا سرکہ اور آدھا لیموں یا ایک کھانے کا چمچ لیموں کا رس ملا کر اس پانی کو دن میں 2 سے 3 بار پی لیں، یہ ایک قدرتی اور حیرت انگیز بوسٹنگ ڈرنک ہے۔

By sadia    |    In Health and Fitness   |    0 Comments    |    1178 Views    |    13 May 2021

Comments/Ask Question

Read Blog about کیا آپ جانتے ہیں کہ اگر آپ روزانہ ایک چمچ سیب کا سرکہ پی لیں گے تو کیا ہوگا؟ جانیں اس کے آپ کی صحت پر حیرت انگیز نتائج جو جان کر آپ بھی آج سے ہی ایسا کرنے لگیں گے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (کیا آپ جانتے ہیں کہ اگر آپ روزانہ ایک چمچ سیب کا سرکہ پی لیں گے تو کیا ہوگا؟ جانیں اس کے آپ کی صحت پر حیرت انگیز نتائج جو جان کر آپ بھی آج سے ہی ایسا کرنے لگیں گے) and how to utilize other natural ingredients to cure diseases, easy recipes, and other information related to food from KFoods.