بچہ پیدا کرو اور کروڑ پتی بن جاؤ.. یہ دلچسپ اعلان کس جگہ اور کیوں کیا گیا؟

اولاد تو اوپر والے کی سب سے بڑی نعمت ہے مگر دنیا میں کچھ ممالک ایسے بھی ہیں جہاں لوگ اپنی زندگیوں میں اتنے مصروف ہوتے ہیں کہ بچے پیدا ہی نہیں کرنا چاہتے. اس کا نتیجہ ان کی قوم میں کم افرادی قوت کی صورت نکلتا ہے. یہی حال کوریا میں ہوا. البتہ ملک میں آبادی کی شدید کمی کو دیکھتے ہوئے مقامی کمپنی نے ایسا اعلان کیا ہے جسے سن کر ہر کوئی حیران ہے.

کوریا کی ایک مقامی کمپنی بویونگ گروپ نامی تعمیراتی کمپنی نے اعلان کیا گیا ہے کہ کمپنی کے ہر ملازم کو بچے کی پیدائش پر 75 ہزار ڈالرز (لگ بھگ 3 کروڑ پاکستانی روپے) انعام دیے جائیں گے.

اتنا ہی نہیں بلکہ 2021 سے اب تک جتنے ملازمین کے ہاں بچوں کی پیدائش ہوئی ہے ان سب کو بھی بھاری انعام دیا جائے گا. اس پالیسی کا اطلاق مردوں اور خواتین دونوں پر ہوگا۔

واضح رہے کہ دنیا بھر میں کوریا کو کم شرح پیدائش رکھنے والے ملک کے طور پر جانا جاتا ہے یہی وجہ ہے کہ کمپنی نے ملک میں افرادی قوت کو بڑھانے کے لئے اتنی بڑی رقم کی آفر کی ہے.