فردوس جمال نے بہت برے الفاظ ادا کیے.. ہمایوں سعید پر تنقید کے معاملے میں نادیہ خان بھی کود پڑیں

"سینیئر اداکار فردوس جمال نے ہمایوں سعید کے لیے بہت برے تھے. انہیں ایسے الفاظ استعمال نہیں کرنے چاہیے تھے. پوڈکاسٹس میں اداکاروں کو پھنسایا جاتا ہے. اداکاروں سے سے جان بوجھ کر ایسے سوالات کیے جاتے ہیں کہ وہ کچھ نہ کچھ غلط بول دیتے ہیں"

یہ کہنا ہے معروف میزبان نادیہ خان کا جنھوں نے حال ہی میں ایک ٹی وی پروگرام میں شرکت کے دوران فردوس جمال کے ماہرہ اور ہمایوں کے خلاف ہرزہ سرائی پر تبصرہ کیا.

نادیہ خان کا کہنا تھا کہ پہلے ٹی وی شوز میں ایسا نہیں ہوتا تھا لیکن اب میزبان زیادہ ویوز سے پیسے کمانے کے چکر میں اداکاروں یا مہمانوں کو سوالات کرکے پھنسا دیتا ہے۔ ایک دم میزبان سوال کرتا ہے کہ فلاں آرٹسٹ کے بارے میں آپ کیا سوچتے یا کہتے ہیں؟ اس طرح وائرل ہونے والا مواد تخلیق کیا جاتا ہے.

اپنی گفتگو جاری رکھتے ہوئے نادیہ خان نے مزید بتایا کہ ایسے عجیب و غریب سوالات کی وجہ سے انہوں نے ذاتی طور پر ایسے شوز میں جانا بند کردیا ہے اور وہ ایسے شوز میں جانے سے کتراتی ہیں۔ انہیں ہر ماہ 5 سے 6 پوڈکاسٹس میں شرکت کی دعوت ملتی ہے لیکن وہ وہاں نہیں جانا چاہتی، اس میں سے بعض پوڈکاسٹرز ایسے ہیں جو بار بار انہیں آنے کی پیش کش کرتے ہیں۔

فردوس جمال کے رویے پر تنقید کرتے ہوئے نادیہ کا کہنا تھا کہ "ہمایوں سعید کے بہت سارے مداح ہیں. فردوس جمال کے ایسے الفاظ پر انہیں دکھ پہنچا جب کہ ذاتی طور پر مجھے خود بھی برا لگا کہ انہوں نے دوسرے اداکار کے لیے ایسے الفاظ کہے۔ اتنی عمر میں انسان سیکھ جاتا ہے کہ اسے کس طرح کے الفاظ بولنے چاہیے۔ پوڈکاسٹ پھنسانے کا طریقہ ہیں، اس لیے ایسے پوڈکاسٹس سے ہوشیار رہیں"