لوگوں نے مجھے بیٹے کو سنبھالنے کے لیے آیا رکھنے کا کہا مگر میں نے ۔۔ ریما خان نے اپنے بیٹے کی دیکھ بھال کیلئے ’آیا‘ کیوں نہیں رکھی؟ خوبصورت وجہ بتا دی

مشہور پاکستانی شوبز اداکارہ ریما خان کی جانب سے ایک اہم انکشاف کیا گیا ہے وہ یہ کہ انہوں نے اپنے بیٹے کی دیکھ بھال کے لیے کبھی اپنی آیا کو کام پر نہیں رکھا جس کی انہوں نے اہم وجہ بتائی جس کے بعد مداح انہیں سراہ رہے ہیں۔

ریما خان نے حال ہی میں ایک ویب شو میں بطور مہمان شرکت کی جہاں اُنہوں نے اپنی زندگی سے متعلق بات کی۔

اداکارہ نے بتایا کہ جب میرا بیٹا پیدا ہوا تو مجھے بہت سے لوگوں نے مشورہ دیا کہ میں اپنے بیٹے کو سنبھالنے کے لیے’آیا‘ گھر پر رکھ لوں مگر میں نے ایسا نہیں کیا۔

اداکارہ نے بتایا کہ میں پہلے 5 سال اپنے بیٹے سے بالکل الگ نہیں ہوئی اس دوران میری والدہ اور بہنوں نے مجھ سے بہت کہا کہ تم بچے کی دیکھ بھال کے لیے کوئی آیارکھ لوکیونکہ تم اپنی زندگی میں بہت مصروف رہتی ہو اور تمہیں سونے تک کا وقت نہیں ملتا۔

اُنہوں نے کہا کہ ہم جیسے ہی ایک بچہ ہو یا دو بچے ہوں فوراََ معاشرتی دباؤ میں آکر گھر میں’آیا‘رکھ لیتے ہیں چاہے ہمیں اس کی ضرورت بھی نہ ہو اور اس طرح ہم خود کو بالکل کاہل بنا لیتے ہیں۔

ریما خان نے اپنے بیٹے کے لیے آیا نہ رکھنے کی اہم وجہ بتاتے ہوئے کہا کہ ہماری ماؤں نے تو بغیر کسی’آیا‘ کی مدد کے چار چار بچے بھی پالے اور بچوں کی پرورش کے ساتھ ساتھ گھر کے تمام کام بھی کیا کرتی تھیں تو جب انسان اپنے معاشرے کی ایسی باہمت خواتین سے متاثر ہوتا ہے پھر اسے لگتا ہے کہ کچھ بھی ناممکن نہیں ہے۔

اُنہوں نے کہا کہ جب عورت اپنے بچےکے ساتھ ایک خاص رشتہ بناتی ہے اور اس کی خود دیکھ بھال کرتی ہے تو اس بچے کو اپنی والدہ کے ساتھ گزرے لمحات یاد رہتے ہیں کہ کیسے اس کی ماں بچپن میں رات بھر اس کے لیے جاگی یا کس طرح ماں نے اپنا کھانا چھوڑ کر پہلے اس کی ضرورت کو پورا کیا۔

اداکارہ نے کہا کہ جب بچے کے پاس اپنے والدین کے ساتھ گزارے ہوئے ایسے لمحات کی یادیں ہوتی ہیں تو وہ بڑھاپے میں اپنے والدین کو’اولڈ ہاؤس‘ میں نہیں چھوڑتا اور نہ ہی والدین کا خیال رکھنے کے لیے نرس کو رکھتا ہے وہ بھی پھر خود والدین کا خیال رکھنے کی کوشش کرتا ہے۔