میرا جسم چھوٹا تھا اور بچی بڑھ رہی تھی۔۔ صبور علی کا سی سیکشن کے متعلق بولنا سوشل میڈیا پر نئی بحث کیوں چھڑ گیا؟

Saboor Aly C Section Statement Get Criticized

اداکاری کی دنیا میں باوقار انداز اور بے مثال ٹیلنٹ سے پہچانی جانے والی صبور علی، ماں بننے کے بعد ایک نئی روشنی میں سامنے آئیں۔ حال ہی میں ایمن سلیم کے پوڈکاسٹ میں شرکت کے دوران، صبور نے زچگی، خاندان کے ردِعمل اور سی سیکشن کے تجربے پر کھل کر بات کی۔

انہوں نے بتایا کہ، اُن کا جسم چھوٹا تھا اور بچی تیزی سے نشوونما پا رہی تھی، جس کی وجہ سے سی سیکشن کرنا پڑا۔ لیکن حیرت کی بات یہ ہے کہ اگلے ہی دن وہ نہ صرف چلی پھریں، بلکہ نہائیں، تیار ہوئیں اور میک اپ لگا کر ہسپتال سے روانہ بھی ہو گئیں۔

صبور نے کہا، میرے اندر کا حوصلہ ہی میری طاقت تھا۔ میں نے خود پر یقین رکھا، اور اگلے دن سب کر دکھایا۔

ان کا یہ بیان سوشل میڈیا پر موضوعِ بحث بن گیا۔ کسی نے ان کے جذبے کو سراہا، تو کسی نے اعتراض اٹھایا کہ ہر ماں کا جسم مختلف ہوتا ہے، یہ ایک مثال نہیں ہونی چاہیے۔ ایک اور صارف نے لکھا، برطانیہ میں یہ نارمل ہے، وہاں بھی عورتیں اگلے دن چلنے لگتی ہیں

یہ بحث یہیں ختم نہیں ہوئی۔ کچھ نے اسے متاثرکن قرار دیا تو کچھ نے کہا کہ نئی ماؤں پر دباؤ نہ ڈالا جائے، کیونکہ ہر سفر منفرد ہوتا ہے۔

کیا صبور علی کا تجربہ متاثر کن ہے یا متنازع؟ آپ کی رائے کیا ہے؟