اب تمہاری ایک نہیں دو دو مائیں ہیں اور ۔۔ صبا فیصل نے اپنے بیٹوں کو شادی سے قبل کیا نصیحت کی جو ہر ماں کو کرنی چاہیئے؟ دیکھئے

ہر ماں اپنی اولاد کے لیے لمحہ بہ لمحہ فکرمند ہوتی ہے اور وہ ان کی بہتری کے لیے ہر وقت انہیں دعاؤں میں یاد رکھتی ہے اور انہیں نصیحت کرتی ہے۔

صباء فیصل بھی انہیں ماؤں میں سے ہیں جنہوں نے اپنے بیٹوں کی مثبت انداز سے پرورش اور ان کا خیال رکھا۔ اس حوالے سے انہوں نے حال ہی میں ایک نجی ٹی وی چینل کی رمضان ٹرانسمیشن میں انٹرویو میں بات کی۔

مشہور پاکستانی شوبز اداکارہ صبا فیصل کا کہنا ہے کہ جیسے جیسے بچے بڑے ہوتے ہیں انہیں دوا کے ساتھ دعا کی بھی ضرورت ہوتی ہے۔

انہوں نے ایک سوال کے جواب میں بتایا کہ اپنے دونوں بیٹوں کو شادی سے قبل ایک نصیحت کی تھی۔

اداکارہ نے بتایا کہ اب ماشا اللّٰہ سے میرے تینوں بچے شادی شدہ ہیں لیکن جب میں نے اپنے دونوں بیٹوں کی شادی کی تو انہیں ایک نصیحت کی کہ اپنے سسرال والوں کو بھی اپنے والدین کا درجہ دیں۔

انہوں نے کہا کہ میں نے اپنے بیٹوں سے کہا کہ اب تمہاری ایک نہیں دو دو مائیں ہیں، جس طرح میں تمہارے لیے دعا کرتی ہوں اسی طرح تمہاری اہلیہ کی والدہ بھی تمہاری بھلائی و خیر کے لیے دعائیں کریں گی۔

صبا فیصل نے کہا کہ میں نے اپنے دونوں بیٹوں کو نصیحت کی کہ انہیں اپنے سسرال والوں کا احترام یقینی بنانا ہے، کیونکہ جیسے جیسے بچے بڑے ہوتے ہیں انہیں دعاؤں کی بہت ضرورت ہوتی ہے۔