وزن اور شوگر بڑھانے کے ساتھ ہڈیاں بھی کمزور کرسکتا ہے۔۔ کینو بہت شوق سے کھاتے ہیں تو اس کے یہ نقصان بھی جان لیں

کینو سردیوں کا خاص پھل ہے جو رسیلا بھی ہوتا ہے اور فائدوں سے بھرپور بھی مگر کہتے ہیں نا کہ ہر چیز اعتدال میں ہی فائدہ کرتی ہے۔ اس لئے آج ہم آپ کو کینو کے کچھ ایسے نقصانات کے بارے میں بتائیں گے جو زیادہ کینو کھانے کی صورت میں آپ کو بھی ہوسکتے ہیں۔

شوگر بڑھا سکتا ہے

کچھ لوگ سنگترہ یا کینو کا نہار منہ جوس پینا پسند کرتے ہیں۔ اگر یہ تجویز ڈاکٹر نے دی ہے تب تو ٹھیک ہے لیکن اگر طریقہ کار آپ نے خود ہی اپنا لیا ہے تو اس بارے میں دوبارہ سوچنے کی ضرورت ہے کیوں کہ پھل میں موجود گلوکوز آپ کے خون میں شوگر کی سطح ایک دم بڑھا سکتا ہے۔

ہڈیاں

نیوز بسٹ نامی ویب سائٹ کے مطابق کینو میں وٹامن سی کافی مقدار میں موجود ہوتا ہے جس کی زیادتی بھی جسم میں کیلشیم کی کمی پیدا کرتی ہے۔ نتیجہ آسٹیوپوروسس کے مرض کی صورت میں نکلتا ہے

وزن بڑھنا

کینو میں پایا جانے والا وٹامن سی میٹابولزم تو بڑھاتا ہے مگر اگر یہی وٹان زیادہ لے لیا جائے تو میٹابالزم بگڑ جاتا ہے جس سے وزن بڑھنے لگتا ہے۔ نیز یہ فائبر اور کاربوہائیڈریٹس کی مقدار بھی بڑھادیتا ہے۔

تیزابیت

کھٹی ڈکاروں کے علاوہ کینو کی زائد مقدار معدے میں تیزابیت پیدا کرتی ہے جس سے گیس کی تکلیف، سینے کی جلن اور موڈ خراب ہونے جیسے مسائل پیدا ہوسکتے ہی۔

کتنے کینو کھانے چاہئیں؟

ٹائمز آف انڈیا کے مطابق ماہرین تجویز کرتے ہیں کہ کینو زادہ سے زیادہ ایک دن میں 2 کھانا مناسب ہے۔ جوس بھی صرف 2 کینو کا پینا ہی مناسب ہے اس کے علاوہ کوشش کریں کہ سونے سے پہلے کینو کا استعمال نہ کریں تاکہ اسے ہضم ہونے کے لئے کچھ وقت مل سکے۔