ریڑھ کی ہڈی میں درد خطرناک ثابت ہو سکتا ہے ۔۔ جانیئے ریڑھ کی ہڈی کے درد کو دور کرنے کے لئے بہترین گھریلو نسخے

کمر کے نچلے حصے میں درد ایک عام شکایت ہے لیکن مستقل اس درد کا شکار رہنا مشکلات میں اضافے کا سبب بھی بن سکتا ہے یہ درد کیوں ہوتا ہے اور ماہرین اس کا کیا علاج بتاتے ہیں آیئے آپ کو اس سے متعلق تمام معلومات سے آگاہ کرتے ہیں۔

ریڑھ کی ہڈی میں درد کیوں ہوتا ہے؟

کمر کے نچلے حصے کا درد عموماً ریڑھ کی ہڈی اس کے پٹھوں اور نسیجوں کے تناؤ یا کھچاؤ کی وجہ سے ہوتا ہے ماہرین کا کہنا ہے کہ اگر بروقت توجہ نہ دی جائے تو یہ مسئلہ سنگین بھی ہو سکتا ہے اور یہ کینسر جیسی خطرناک بیماری اور اعصابی بیماریوں کا باعث بن سکتا ہے۔
ریڑھ کی ہڈی کی بیماری یا درد کی وجوہات کی تشخیص کرنے کے لئے گزشتہ چند دہائیوں کے دوران ایکسرے، کمپیوٹر ٹوموگرافی، سی ٹی اسکین، میگنیٹک ریزوننس ایمیجنگ ایم آر آئی اور دیگر ٹیسٹوں کا رواج بہت بڑھ گیا ہے۔
لیکن امریکہ کے کال آف فزشنز ACP کی کلینیکل گائیڈ لائنز کمیٹی کی ایک تازہ رپورٹ سے یہ انکشاف ہوا ہے کہ روٹین کے ٹیسٹ جن میں ایکسرے، سی ٹی اسکیننگ اور ایم آر آئی وغیرہ شامل ہیں، مرض کی تشخیص میں آسانی کے بجائے مریضوں کے لئے خطرناک ثابت ہو سکتے ہیں۔
کمر کے نچلے حصے کے درد کا علاج یا ریڑھ کی ہڈی کے درد کے علاج میں سب سے ضروری یہ ہے کہ دواؤں کے زریعے سوزش اور درد کو کم کیا جائے نہ کہ اس قدر ہائی ریز والے ٹیسٹ کر کے مریض کی مشکلات کو اور بڑھایا جائے۔

ریڑھ کی ہڈی کے درد کا علاج کیسے کیا جا سکتا ہے؟

اس کے علاج کے لیے درد کُش، سوزش دور کرنے اور تناؤ کے شکار پٹھوں کے لیے سکون آور ادویات اور جسمانی ورزش وغیرہ مؤثر ثابت ہو سکتی ہے دواؤں کے علاوہ اس کا غیر روایتی علاج بھی موجود ہے یعنی آکوپنکچر، مساج یا مالش، جسمانی ورزش اور یوگا وغیرہ۔
ورزش کرنا بےحد ضروری ہے، ورزش کرنے سے پٹھے مضبوط ہوتے ہیں اور اگر سپلمنٹس اور اچھی غذا کا استعمال کیا جائے تو ہڈیوں کی کمزوری بھی دور ہوتی ہے، اپنی غذا میں زیادہ سے زیادہ وٹامن سی اور ڈی کا استعمال جاری رکھیں، مچھلی، دودھ اور دالوں کا استعمال کریں اور تمام پھل اور سبزیوں کا استعمال بھی جاری رکھیں۔
اس کے علاوہ تیل سے مالش کریں گرم کپڑے یا برف سے سکائی کریں ساتھ ہی بھاری چیزوں کو اُٹھانے اور کمر پر دباؤ ڈالنے سے گریز کریں۔