بچپن میں کبھی سالگرہ نہیں منا سکی کیونکہ.. 46 ویں سالگرہ کا کیک کاٹ کر رانی مکھرجی نے بچپن کا دکھ شئیر کردیا

"اپنی سالگرہ کے دن کافی دکھی ہوتی تھی. مجھے بچپن سے ہی سالگرہ منانے کا شوق تھا لیکن ہمیشہ میری سالگرہ ایسے وقت پر آتی تھی جب اسکول میں فائنل امتحانات چل رہے ہوتے تھے. پھر ماں مجھے سالگرہ نہیں منانے دیتی تھیں۔ سالگرہ کے دن کتابیں لیکر امتحانات کی تیاری کررہی ہوتی تھی"

یہ کہنا ہے بالی وڈ کی منجھی ہوئی اداکارہ رانی مکھرجی کا جنھوں نے گزشتہ ہفتے اپنی 46 ویں سالگرہ کا کیک کاٹا. اس موقع پر رانی نے بچپن کی سالگرہوں کے متعلق یادیں بھی شئیر کیں.

رانی کا کہنا تھا کہ ماں میری اُداسی دور کرنے کے لیے مجھے چاکلیٹس دیتی تھیں تاکہ میں اپنی کلاس کے تمام دوستوں کو وہ چاکلیٹ دے کر اپنی سالگرہ کی تھوڑی سی خوشی منا لوں. اب میں ادیرا کے ذریعے اپنی تمام ادھوری خواہشات کو پوری کرتی ہوں. بیٹی کی سالگرہ بہت پیار سے مناتی ہوں. مجھے اپنی سالگرہ سے جو امیدیں ہوتی تھیں اب اپنی بیٹی کی سالگرہ میں پوری کرتی ہوں.

رانی نے اپنی سالگرہ سے متعلق کہا کہ وہ سادگی سے منا کر انھیں زیادہ خوش ہوتی ہے. میں اپنی بیٹی، شوہر، ماں اور اپنے چند قریبی دوستوں کے ساتھ سالگرہ منانا پسند کرتی ہوں. سب ساتھ ہوتے ہیں تو ہم ایک ساتھ ہنستے ہیں اور اچھا کھانا کھاتے ہیں۔