پارلر جاکر مہنگا مینی کیور پیڈی کیور نہ کرائیں ۔۔ اگر ناخن پیلےاورخراب ہورہے ہیں تو صرف یہ 3 کام کریں

ناخن ہمارے جسم کا ایک ضروری حصہ ہیں، یہ ہماری صحت کا بھی سب راز بیان کردیتے ہیں ۔ اگر آپ کی اندرونی صحت کسی وجہ سے متاثر ہو رہی ہے تو سب سے پہلے اس کے اثرات ناخنوں پر پڑتے ہیں ، آپ کا جگر کا مسئلہ ہے، آپ میں کیلشئیم، یا خون یا آئرن کی کمی ہے یا کوئی اور مسئلہ ہے تو اس کے اثرات آپ کے ناخنوں کی کنڈیشن پر پڑتے ہیں وہ رنگ بدل لیتے ہیں یا کٹنے پھٹنے لگتے ہیں یا خراب ہوجاتے ہیں۔ اس لئے ناخنوں کا خیال رکھنا ضروری ہے۔
ناخنوں کا خیال کیسے رکھنا ضروری ہے۔ بری عادات ناخن کو نقصان پہنچاتی ہیں۔ کچھ لوگوں کو ناخن چبانے کی بھی عادت ہوتی ہے۔ اس سے بھی ناخنوں کا اور ہاتھ کا عجیب ہی حال ہوجاتا ہے۔ ایسے میں ہم آپ کو ناخنوں کا خیال رکھنے کے کچھ ٹپس بتائیں گے۔ پارلر میں جائے بغیر بھی آپ اپنے ناخن اور ہاتھ خوبصورت بنا سکتی ہیں۔

لیموں:

وٹامن سی سے بھرپور لیموں بلیچنگ ایجنٹ پر مشتمل ہوتا ہے۔ اس کا چھلکا ناخنوں پر رگڑیں ۔ اس کے علاوہ نیم گرم پانی میں 1 چائے کا چمچ لیموں کا رس ملا کر اس میں اپنے ہاتھوں کو 15 منٹ تک ڈبو کر رکھیں۔ پھر ناخنوں کو فائلر سے صاف کریں اور کریم لگائیں۔ آپ کے ناخن بالکل صاف ہو جائیں گے۔ اور وٹامن سی انہیں مضبوط بنانے میں بھی کام آئے گا۔۔

دانتوں کی پیسٹ:

تھوڑا سا ٹوتھ پیسٹ لیں اوراسے ناخنوں پرلگائیں اور ہلکے ہاتھوں سے 5 منٹ تک مساج کریں۔ پھراسے پانی سے دھو لیں۔ ٹوتھ پیسٹ میں موجود اجزاء جیسے کیلشئیم فلورائیڈ وغیرہ ناخنوں کو صاف اور سفید کریں گے۔

بیکنگ سوڈا:

بیکنگ سوڈا ناخنوں کو صاف کرنے کے لیے جادو کی طرح کام کرتا ہے۔ اس میں موجود اجزاء ناخنوں کو صاف، سفید اور صحت مند رکھتے ہیں۔ اس کے لیے 1 چائے کا چمچ بیکنگ سوڈا میں 1 چمچ لیموں کا رس ملا لیں۔ پھر اسے ناخنوں پر 5 منٹ تک لگا رہنے دیں۔ پھر ناخنوں کو پانی سے صاف کریں۔ یہ طریقہ ہفتے میں تین بار کرنے سے پیلے اور خراب ناخنوں کا مسئلہ دور ہو جائے گا۔