مجھ میں کچھ تو خاص ہے اسی لیئے تو سب۔۔ ربیکا خان نے اپنی پہلی کمائی اور شادی سے متعلق کیا انکشاف کر دیا؟

Rabeeca Khan Reveals Her First Salary Marriage Plans

پاکستانی سوشل میڈیا اسٹار ربیکا خان نے حال ہی میں ایک نجی ٹی وی پوڈکاسٹ میں شرکت کی، جہاں انہوں نے اپنی ذاتی اور پروفیشنل زندگی کے کئی دلچسپ پہلوؤں پر بات کی۔ ربیکا، جو اپنے منفرد انداز اور دلکش ویڈیوز سے لاکھوں دل جیت چکی ہیں، نے بتایا کہ اُنہوں نے سوشل میڈیا کی دنیا میں قدم 2019ء میں رکھا تھا۔

شروع میں اُن کی ویڈیوز پر محض چند سو ویوز آتے تھے، لیکن جلد ہی ان کا کانٹینٹ لوگوں کی توجہ کا مرکز بن گیا، اور ویڈیوز لاکھوں کروڑوں بار دیکھی جانے لگیں۔ ربیکا نے بتایا کہ اُن کی پہلی کمائی ٹک ٹاک سے آئی تھی – اور وہ تھی صرف 25 ہزار روپے! مگر اُس لمحے کی خوشی لفظوں میں بیان نہیں کی جا سکتی۔

ربیکا نے بتایا، جب پہلی بار کمائی ہوئی تو احساس ہوا کہ شاید مجھ میں واقعی کچھ خاص ہے۔ تبھی تو لوگ مجھے دیکھ رہے ہیں، سن رہے ہیں اور سراہ رہے ہیں۔

پوڈکاسٹ کے دوران ربیکا نے اپنے منگیتر حسین ترین کے ساتھ جلد شادی کی خوشخبری بھی سنائی، جو ان کے مداحوں کے لیے ایک سرپرائز سے کم نہ تھی۔ ساتھ ہی ساتھ انہوں نے اپنے والد، معروف بھارتی کامیڈین کاشف خان، کی شہرت اور ان کی بھرپور حوصلہ افزائی کا بھی ذکر کیا۔ ربیکا نے کہا، میری کامیابی کا اصل راز میرے والد کی رہنمائی اور سپورٹ ہے۔ وہ ہمیشہ میرے لیے ایک مضبوط سہارا رہے ہیں۔

ربیکا آج کل یوٹیوب پر بھی خوب سرگرم ہیں، جہاں وہ اپنی والدہ کے ساتھ مزے دار ککنگ ویڈیوز شیئر کرتی ہیں، جو فالوورز میں خاصی مقبول ہو رہی ہیں۔