ایک چمچ ملتانی مٹی کھانے سے کیا ہوتا ہے؟ اس کو کھانے کے کچھ ایسے فائدے جو ہر کوئی جاننا چاہے

ملتانی مٹی کو خوبصورتی کا اہم جز سمجھا جاتا ہے کیونکہ یہ نہ صرف ہماری اچھی جلد کے لئے بہترین کام کرتی ہے بلکہ یہ ہمارے بالوں کی خوبصورتی کو بڑھانے اور انہیں مضبوط بنانے میں کام کرتی ہے۔ ملتانی مٹی کے ماسک بھی خاصے فائدے مند ہوتے ہیں اور وہ لوگ جو صابن اور فیس واش سے زیادہ ملتانی مٹی کو بیوٹی پراڈکٹ کے طور پر استعمال کرتے ہیں، ان کی جلد بھی چمکتی دمکتی اور حسین لگتی ہے۔
آپ نے دیکھا ہوگا کہ کچھ خواتین اس کو بہت شوق سے کھاتی ہوئی نظر آتی ہیں، یہ یقیناً کھانے میں بھی فائدے مند ہے مگر اس کو ہر وقت کھانا اور دن میں ضرورت سے زیادہ کھاان نقصان دہ بھی ہے۔ آج ہم آپ کو بتانے جا رہے ہیں ملتانی مٹی کھانے کے کچھ ایسے فائدے جو ایک عام انسان کو معلوم ہونے چاہیئیں۔

ملتانی مٹی فائدے مند کیوں؟

ملتانی مٹی میں میگنیشیئم، سیلیکیٹ، مینگنیز، سیلیکون، ہائیڈریٹڈ انزائمز اور کیلشیئم بینوٹائٹ پائے جاتے ہیں جس کی وجہ سے یہ ہمارے کھانے اور جلد پر لگانے کے لئے فائدے مند ثابت ہوتا ہے۔

ملتانی مٹی کھانے کے فائدے:

٭ جن لوگوں کو مستقل قبض کی شکایت رہتی ہے، ان کو چاہیے وہ دن کے کھانے کے بعد آدھا چمچ ملتانی مٹی کے پاؤڈر کو نیم گرم پانی یا نیم گرم دودھ کے ساتھ استعمال کریں۔ یہ حکمت کا ایک مفید ٹوٹکہ ہے اس کو ایک ہفتے استعمال کرنے سے فائدہ ہوگا اور اگر پھر بھی آپ کو تھوڑا سا بھی فائدہ نہ لگے تو اس کا استعمال ترک کردیں۔
٭ اکثر بچوں کے پیٹ میں کیڑے ہوتے ہیں جن کو ختم کرنے کے لئے والدین کئی قسم کی ادویات کا استعمال کرتے ہیں۔ اب ایک مرتبہ آپ ملتانی مٹی کو پیس کر پودینے کے تیل میں شامل کرلیں اور تناسب اس طرح رکھیں کہ اگر 2 چمچ آپ نے پودینے کا تیل لیا ہے تو اس میں ایک چٹکی یا اس سے تھوڑی سی زیادہ ملتانی مٹی کو مکس کریں اور ایک مرکب تیار ہو جائے گا اس کو گرم پانی کے ساتھ پھانک لیں۔ یہ پیٹ کے کیڑوں کو نکالنے میں ضرور مدد دے گا۔
٭ جسم میں خارش یا جلن اور چبھن زیادہ ہو تو اس کو کھانا فائدے مند ثابت ہوتا ہے کیونکہ اس سے جسم میں ٹھنڈک پہنچتی ہے۔
٭ شوگر کے مریضوں کے لئے اس کا استعمال شوگر کو کنٹرول کرنے میں بھی مدد دیتا ہے اور شوگر کی وجہ سے ہونے والے زخموں میں بھی سکون ملتا ہے۔

استعمال کیسے کریں؟

ملتانی مٹی کو بالکل باریک پیس کر پاؤڈر بنا کر رکھ لیں، اور نیم گرم پانی کے ساتھ استعمال کریں۔ اور پیٹ کے کیڑوں میں بتائے گئے طریقے سے استعمال کرنا مفید ہے۔

کون استعمال نہ کرے؟

اس کو حاملہ خواتین کھانے سے گریز کریں کیونکہ اس میں ایسے انزائمز ہوتے ہیں جو کھانے سے پیٹ میں درد کی شکایت بڑھ سکتی ہے۔

By Humaira    |    In Tips and Totkay   |    0 Comments    |    767 Views    |    19 Aug 2022

Related Articles

Comments/Ask Question

Read Blog about ایک چمچ ملتانی مٹی کھانے سے کیا ہوتا ہے؟ اس کو کھانے کے کچھ ایسے فائدے جو ہر کوئی جاننا چاہے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (ایک چمچ ملتانی مٹی کھانے سے کیا ہوتا ہے؟ اس کو کھانے کے کچھ ایسے فائدے جو ہر کوئی جاننا چاہے) and how to utilize other natural ingredients to cure diseases, easy recipes, and other information related to food from KFoods.