جڑواں بچوں کی حالت اب کیسی ہے؟ پیاری مریم کی وفات کے بعد شوہر کا نومولود بچوں سے متعلق اہم پیغام سامنے آگیا

Pyari Maryams Husband Updates Fans About Twins Health Condition

پیاری مریم، جو اپنی سادہ مگر دل کو چھو لینے والی ویڈیوز اور منفرد انداز کی وجہ سے ٹک ٹاک کی دنیا میں تیزی سے شہرت حاصل کر چکی تھیں، زچگی کے دوران اچانک ہمیں چھوڑ گئیں۔ ان کی طبیعت خراب ہونے پر فوری طور پر اسپتال منتقل کیا گیا، لیکن بدقسمتی سے تمام طبی کوششوں کے باوجود وہ زندگی کی بازی نہ جیت سکیں۔

یہ غمناک خبر سب سے پہلے احسن علی نے سوشل میڈیا پر شیئر کی، جس کے بعد نہ صرف مداح بلکہ پورا آن لائن کمیونٹی صدمے اور حیرت میں ڈوب گیا۔ ہر طرف افسردگی اور خاموشی چھا گئی، اور لوگ مریم کے لیے دعاؤں میں مصروف ہو گئے۔

اس افسوسناک واقعے کے بعد سوشل میڈیا پر بچوں کے حوالے سے بے بنیاد افواہیں پھیلنے لگیں۔ اس پر احسن علی نے دوبارہ واضح کرتے ہوئے بتایا کہ، مریم نے دو بیٹوں کو جنم دیا ہے اور اللہ کا شکر ہے کہ دونوں بچے مکمل طور پر محفوظ ہیں۔ انہوں نے سب سے درخواست کی کہ وہ مریم کی روح کے ایصالِ ثواب کے لیے دعا کریں اور افواہوں سے گریز کریں، کیونکہ اس مشکل وقت میں صرف سچائی اور دعائیں ہی سب سے بڑی مدد ہیں۔