پُرسکون نیند لینا چاہتے ہیں تو آج سے ہی یہ عادتیں چھوڑ دیں، جانیں رات بھر پُرسکون نیند لینے کے چند طریقے

دنیا میں انسانوں کو کئی نعمتیں ملی ہیں، انہیں نعمتوں میں ایک نیند بھی ہے، یہ ہماری تھکاوٹ دور کرتی ہے، ہمارے جسم اور دماغ کو سکون پہنچاتی ہے، نیند کے بنا انسان کسی کام کے قابل نہیں رہتا۔
اس ہی طرح نیند ہماری صحت برقرار رکھنے کی بھی سب سے اہم وجہ ہے، اگر ہماری نیند پوری نہ ہو تو صحت خراب ہوگی اور بہت سے مسائل بھی پیش آئیں گے اس لئے ہر ممکن کوشش کریں اور بھرپور نیند لیں، وہ کس طرح آئیے ہم بتاتے ہیں۔

پرسکون اور خوبصورت نیند لینے کے طریقے

اپنی روٹین بنائیں

اپنے کام کاج اور مصروفیات کے مطابق اپنی روٹین شیڈول کریں، کام کے وقت کام اور نیند کے وقت بھرپور نیند لیں، بنا سوئے یا زیادہ جاگ کر کام نہ کریں، بے وجہ جاگ کر وقت ضائع کرنے کے بجائے وقت پر سونے کی کوشش کریں۔

بار بار سونے سے گریز

اگر آپ کو نیند بہتر بنانی ہے تو بار بار سونے سے گریز کریں، کوشش کریں کہ صرف ایک بار رات کے وقت ہی سوئیں اس کے علاوہ بیچ میں سونے سے گریز کریں ورنہ رات میں پُرسکون نیند نہیں آسکے گی، کچی نیند میں جاگنے سے بھی گریز کریں، سوئیں تو پوری نیند لے کر ہی اُٹھیں۔

گھر پر ورزش کریں

ورزش کو زندگی کا حصہ بنا لیں، جب وقت ملے لازمی تھوڑی بہت ہی مگر ورزش لازمی کریں، ورزش کرنے سے آپ کے جسم کو سکون ملے گا اور یوں رات کو پُرسکون نیند آئے گی بس سونے سے پہلے ورزش کرنے سے گریز کریں۔

فون زیادہ استعمال کرنے سے گریز کریں

رات کے وقت کم سے کم لائٹ کو آنکھوں پر پڑنے دیں اور اس کے لئے ضروری ہے کہ موبائل فون کا استعمال نہ کریں، اس سے آپ کی نیند اور ذہنی سکون متاثر ہو سکتا ہے اس لئے کم سے کم موبائل استعمال کریں اور کمرے میں بھی اندھیرا رکھیں۔

عادات کو بہتر بنائیں

اپنی سونے جاگنے کی روٹین کو سیٹ کرنے کے لئے آپ کو اپنے کھانے پینے اور رہن سہن کو بھی بدلنا ہوگا، کم سے کم ٹی وی دیکھیں، صرف ایک مرتبہ ہیڈ لائنز دیکھیں زیادہ فکر نہ کریں اپنے ذہن کو تناؤ سے دور رکھیں جتنا ہو سکے اپنی کھانے پینے کی ٹائمنگ کو بہتر بنائیں۔