لگا جیسے کسی کی میت پر چلی آئی ہوں۔۔ خواجہ سرا تلسی بٹ نے فضا علی کی اوور ایکٹنگ کی پول کھول دی! کیا کچھ کہہ دیا؟

Tulsi Butt Makes Fun of Fiza Ali Apology

رمضان کی ایک نشریات میں وہ منظر دیکھنے کو ملا جس نے سب کو چونکا دیا۔ میزبان فیضا علی اچانک آنکھوں میں آنسو لیے، خواجہ سرا برادری سے تعلق رکھنے والی مہمان تلسی بٹ کو گلے لگا رہی ہیں، بار بار "معاف کر دو" کی گردان، جذبات کا طوفان، اور یہ سب کچھ کیمرہ دکھا رہا تھا۔

لیکن جو پردے کے پیچھے ہوا، اس کا انکشاف خود تلسی بٹ نے ایک حالیہ یوٹیوب انٹرویو میں کر کے سب کو حیران کر دیا۔

تلسی نے صاف لفظوں میں کہا کہ وہ خود حیرت زدہ تھیں کہ اتنا ہنگامہ کیوں ہو رہا ہے؟ مجھے تو لگا جیسے میں کسی کی میت پر چلی آئی ہوں کسی نے پیر پکڑ لیے، کسی نے ہاتھ دبانا شروع کر دیا۔ اور جب میں بولنے لگتی، کہا جاتا خاموش رہو، بس معاف کر دو۔ لیکن یہ تو بتایا ہی نہیں گیا کہ معافی کس چیز کی؟

تلسی نے فیضا علی کی اوور ایکٹنگ پر تنقید کرتے ہوئے کہا کہ جب کوئی سالوں تک خواجہ سرا کمیونٹی کا مذاق اڑائے، ان کے لہجے کو تمسخر کا نشانہ بنائے، ان کی شناخت کو نیچا دکھائے، تو صرف رمضان میں آنسو بہانے سے گناہ نہیں دھل جاتے۔

تلسی بٹ نت دو ٹوک پیغام دیتے ہوئے کہا کہ، دل سے معافی تب ہی نکلتی ہے جب سوچ میں سچائی ہو۔

انہوں نے مزید کہا کہ یہ سب کیمروں کے لیے تھا، جذبات کا تماشا، مگر ہماری سچائی کسی اسکرپٹ کی محتاج نہیں۔ معافی مانگنی ہے تو پہلے دل سے نیت صاف کرو اور برابری کا احترام سیکھو۔

یہ انٹرویو دیکھنے کے بعد سوشل میڈیا پر بھی بحث چھڑ گئی ہے: کیا فیضا علی واقعی شرمندہ تھیں؟ یا یہ سب ایک اسٹیجڈ معافی تھی؟ کمنٹس میں اپنی رائے ضرور دیں۔