کینسر سے دور رہنا چاہتے ہیں تو چاول کھائیں ۔۔۔

سفید چاول یا بھورے چاول(براؤن رائس) کا استعمال:

ہندوستان، پاکستان میں ہم سب بنیادی طور پر سفید چاول کھانا پسند کرتے ہیں۔ بہت سے لوگ یہ محسوس کرتے ہیں کہ چاول کھائے بغیر کھانا مکمل نہیں ہوتا۔ ہمارے کھانوں کا یہ لازمی حصہ ہوتے ہیں۔ دن کے یا رات کے کھانے میں اس کو ضرور شامل کیا جاتا ہے اورکچھ گھرانوں میں تو اس کے بغیر کھانوں کا تصور ہی نہیں ہے۔ کہا جاتا ہے کہ چاول موٹاپا پیدا کرتے ہیں ، اس کے علاوہ بھی ذیابیطس وغیرہ کے مریضوں کے لئے اس کا استعمال زیادہ مفید نہیں ہے لیکن اگر سفید چاول کی جگہ براؤن رائس کا استعمال کیا جائے تو یہی نقصان فائدے میں بدل جائے گا۔ اس کا رس بھی قدیم زمانے میں پیا جاتا تھا۔ یہ جسم میں خون کو صاف کرنے، جسم میں کولیسٹرول کو کم کرنے جیسے فوائد فراہم کرتا ہے۔

براؤن رائس کھانے کا مشورہ:

غذائی ماہرین اب سفید چاول کے بجائے براؤن رائس کھانے کا مشورہ دیتے ہیں۔ براؤن رائس کھانے سے جسم میں سنگین بیماریوں کی علامات کم ہوجاتی ہیں۔ براؤن رائس کھانے سے کینسر کی علامات، وزن میں تیزی سے اضافہ، صبح اٹھنے کے بعد جسم میں درد کو کنٹرول کرنے میں مدد ملتی ہے۔ سفید چاول پالش کئے ہوئے ہوتے ہیں۔ اس لیے اس کے غذائی اجزاء ختم ہو جاتے ہیں۔ آئیے براؤن رائس کھانے کے فوائد کے بارے میں جانتے ہیں۔

کینسر کی روک تھام:

کینسر کا ابھی تک کوئی یقینی علاج یا وجہ دریافت نہیں ہوئی ہے کہ آپ یہ یقینی طور پر کہہ سکیں کہ اگر یہ کیا تو کینسر ہوگا اور یہ نہ کیا تو کینسر نہیں ہوگا ۔ کینسر سے بچاؤ کے لیے ڈاکٹر بہت سے اقدامات تجویز کرتے ہیں، جس سے ہم کینسر سے دور رہنے کی کوشش کر سکتے ہیں۔ کینسر کی مختلف اقسام ہیں۔ بریسٹ کینسر، بلڈ کینسر، منہ کا کینسر وغیرہ ۔ لیکن اگر آپ اچھی خوراک لیں تو آپ خود کو کینسر سے بچا سکتے ہیں۔ براؤن چاول اور اس کے حیرت انگیز فوائد کینسر پر بھی کام کرتے ہیں اس لیے اگر براؤن رائس کو خوراک میں رکھا جائے تو آپ خود کو کینسر سے دور رکھنے کی کوشش ضرور کر سکتے ہیں۔

دل کے لیے فائدہ مند:

دل کو مضبوط اور صحت مند رکھنا بہت ضروری ہے۔ اس لیےاگرآپ سفید چاول کے بغیر براؤن رائس کھائیں تو آپ دل کے دورے، کارڈیک اریسٹ جیسی سنگین بیماریوں سے خود کو دور رکھ سکتے ہیں۔ اگر آپ کا وزن زیادہ ہے تو ڈاکٹر آپ کو براؤن رائس کھانے کا مشورہ دیتے ہیں۔

کولیسٹرول کو کم کرنے میں مدد :

اگر آپ براؤن رائس روزانہ کھاتے ہیں تو یہ کولیسٹرول کو کم کرنے میں مددگار ثابت ہوتا ہے۔ اگر آپ خالی پیٹ بھورے(براؤن ) چاول کھاتے ہیں تو یہ پیٹ سے زہریلے مادوں کو باہر نکالنے میں مدد کرتا ہے۔ براؤن چاول اچھے کولیسٹرول کو بڑھانے میں مدد کرتا ہے۔ یہ جسم میں خون کو صاف کرنے میں بھی مدد کرتا ہے۔ اسی لیے غذائی ماہرین براؤن رائس کھانے کا مشورہ دیتے ہیں۔

ذیابیطس کو کنٹرول میں رکھیں:

ذیابیطس کی شرح بہت تیزی سے بڑھ رہی ہے۔ ذیابیطس سے بچاؤ کے لیے سفید چاول کے بجائے براؤن رائس کھانے کی تجویزدی جاتی ہے۔ اس کے لیے آپ کو اپنی روزمرہ کی خوراک میں تبدیلیاں لانی ہوں گی۔ آپ اپنی خوراک میں براؤن رائس کا استعمال کرکے ذیابیطس کو کنٹرول کرسکتے ہیں۔ یہ بلڈ شوگر کو کنٹرول میں رکھتا ہے۔ اس کے علاوہ، براؤن چاول ہضم کرنے کے لئے بہت آسان ہے

By Afshan    |    In Health and Fitness   |    0 Comments    |    578 Views    |    25 Aug 2022

Related Articles

Comments/Ask Question

Read Blog about کینسر سے دور رہنا چاہتے ہیں تو چاول کھائیں ۔۔۔ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (کینسر سے دور رہنا چاہتے ہیں تو چاول کھائیں ۔۔۔) and how to utilize other natural ingredients to cure diseases, easy recipes, and other information related to food from KFoods.