ان کی حرکتیں دیکھ کر شیطان بھی کنفیوز ہوگیا ہوگا.. یشما گل نے سر پر تھیلی کیوں باندھ لی؟ صارفین غصے میں بھڑک اٹھے

"کبھی تمیز کے کپڑے پہنے ہوں تو پتا چلے کہ اذان کی آواز پر سر پہ دوپٹہ رکھتے ہیں تھیلی نہیں لپیٹتے"

"اسی لیے کہتے ہیں لڑکیوں کے سر پر ہمیشہ دوپٹہ ہونا ضروری ہے"

"شیطان بھی کنفیوز ہوگیا ہوگا"

"اذان کی آواز سن کر بھی موبائل میں مگن ہیں"

یہ کہنا ہے سوشل میڈیا صارفین کا جو اداکارہ یشما گل کی وائرل ویڈیو میں عجیب و غریب منطق پر بھڑک اٹھے ہیں. یشما کی ان دنوں ایسی ویڈیو وائرل ہے جس میں انھیں سر پر تھیلی باندھے دیکھا جاسکتا ہے جبکل ویڈیو بنانے والے نے جب ان سے پوچھا کہ وہ اس طرح کیوں بیٹھی ہیں تو وہ منہ چھپاتے ہوئے جواب دیتی ہیں کہ اذان ہو رہی ہے اور کچھ تھا نہیں اس لئے تھیلی سر پر لپیٹ لی. اس ویڈیو کو یشما نے انسٹاگرام اسٹوری پر بھی شئیر کیا اور ساتھ یہ بھی لکھا کہ جب اذان کے دوران آپ کے پاس دوپٹہ نہ ہوتو یہ ہیک (طریقہ) آزمائیں.

البتہ سوشل میڈیا صارفین کو یشما کی یہ حرکت ایک آنکھ نہیں بھائی. لوگوں نے یشما کو سخت سست سناتے ہوئے کہا کہ پتا نہیں ہم دین کا مذاق کیوں بناتے ہیں"

واضح رہے کہ یشما گل اس بات کا اقرار کرچکی ہیں کہ پہلے وہ ملحد تھیں اور پھر اسلام سے متاثر ہو کر انھوں نے دل سے اسلام قبول کرلیا. یشما عمرہ بھی ادا کرچکی ہیں تاہم کبھی مکمل حجاب اور کبھی ماڈرن لباس میں دیکھ کر صارفین انھیں تنقید کا نشانہ بناتے رہتے ہیں.