تربیت ٹھیک نہیں کریں گے تو اولاد ایسی ہی نکلے گی۔۔ پروین اکبر کی عائشہ خان سمیت والدین پر کڑی تنقید

Parveen Akbar Criticized Ayesha Khan Upbringing Of Her Children

سینئر پاکستانی اداکارہ پروین اکبر، جنہوں نے 1969 میں ریڈیو سے اپنے فنی سفر کا آغاز کیا، حال ہی میں متھیرا کے شو میں شریک ہوئیں۔ جہاں گفتگو میں انہوں نے ایک نہایت حساس مگر کڑوی حقیقت پر روشنی ڈالی— ایسی اولاد جو بڑھاپے میں والدین کے لیے سہارا بننے کے بجائے بوجھ بن جاتی ہے۔

پروین اکبر نے بے جھجک کہا کہ، دل کے پتھر، جذبات سے عاری اور حد سے زیادہ آزاد خیالات رکھنے والی اولاد کے سامنے کوئی بات اثر نہیں کرتی۔

ان کے مطابق، ہم نے کئی مثالیں دیکھی ہیں— ایسا ہی ایک واقعہ عائشہ خان کے ساتھ پیش آیا، ان کے بچے تھے مگر پھر بھی ان کی موت نے دل دہلا دیا۔ اور یہ سب کس کا قصور ہے؟ میری نظر میں یہ وہی کمزور تربیت ہے جو والدین اپنے بچوں کو دیتے ہیں۔

انہوں نے مزید کہا، یہ آپ پر ہے کہ آپ اپنی اولاد کو انسانیت کا درس دیتے ہیں یا پھر انہیں بے لگام چھوڑ دیتے ہیں، جہاں وہ نہ کسی کا احساس رکھیں اور نہ ذمہ داری نبھائیں۔ میں تو تسلیق حیدر کی اس بات سے بھی متفق نہیں کہ بچوں کو پیدا ہی نہ کیا جائے۔ میرا ماننا ہے کہ اچھی اولاد صرف اچھی تربیت سے پیدا ہوتی ہے— جہاں والدین انہیں صحیح اور غلط کا فرق سکھاتے ہیں۔

یہ گفتگو ایک آئینہ تھی—جس میں ہر والدین اپنے آپ کو دیکھ سکتا ہیں، بس سوال یہ ہے کہ عکس اچھا لگتا ہے یا کڑوا۔