پیروں میں سوجن اور زیادہ پسینہ۔۔ کینسر کی وہ 5 علامتیں کون سی ہیں جنھیں ہم دیکھ کر بھی نظر انداز کرتے ہیں؟

کینسر ایک مہلک مرض ہے جس کا علاج اگرچہ اب ممکن ہے لیکن نہ تو یہ سستا ہے کہ ہر کوئی کرواسکے دوسرا یہ کہ اس مرض کا علاج بھی تکلیف دہ ہوتا ہے۔ اکثر مریض اس وجہ سے بھی جان داؤ پر لگا دیتے ہیں کیونکہ وہ ان علامات پر غور نہیں کرتے جو ان کا جسم انھیں بتا رہا ہوتا ہے۔ آئیے جانتے ہیں وہ علامات کیا ہیں تاکہ آپ بروقت اس مرض کو جان کر علاج کی طرف بڑھ سکیں۔

گٹھلی بننا

برطانیہ کی نیشنل ہیلتھ سروس کے مطابق جسم کے کسی بھی حصے میں گلٹھی یا سوجن پیدا ہوجائے اور بڑھنے لگے تو اسے کینسر کی کاموش علامت سمجھ کر معائنہ کروالینا چاہیے۔ اسے نظر انداز کرنا خطرناک ثابت ہوسکتا ہے۔

وزن گرنا

اچانک بھوک یا وزن میں کمی بھ کینسر کی علامت ہوسکتی ہے۔ بھوک کا احساس کم ہونا آنتوں کے کینسر کی علامت ہوسکتی ہے۔

بہت زیادہ پسینہ

اگر کسی کو اچانک سے بہت زیادہ پسینہ آنے لگے اور بخار محسوس ہو تو یہ بھی کینسر کی ممکنہ نشانی ہوسکتی ہے۔ اس صورت میں فوراً ڈاکٹر سے معائنہ کروائیں۔

تھکن اور جسم میں درد

اگر گلے میں خراش محسوس ہو تو یہ گلے کے کینسر جبکہ پیٹ میں اٹھنے والا درد آنتوں کے کینسر کی علامت ہوسکتا ہے۔ جسم میب درد اور تھکن کا ہونا اس بات کا احساس دلاتا ہے کہ آپ کے جسم کے کسی حصے کو علاج کی ضرورت ہے لہذا انھیں نظر انداز ہر گز نہ کریں۔

خون بہنا

کسی چوٹ کے لگے جسم کے حصے میں زخم بننے لگنا یا خون آنا کینسر کی علامت ہوسکتی ہے۔ الٹی اور پیشاب وغیرہ میں خون آجائے تو ڈاکٹر کے پاس جانے میں دیر ہر گز نہ کریں۔