پیدا بھی ہوئی اور زندہ بھی بچ گئی ۔۔ زلزلے کے ملبے میں پیدا ہونے والی بچی حکمِ خداوندی سے زندہ، ماں مر گئی، ویڈیو

جسے اللہ رکھے اسے کون چکھے۔۔ ترکی میں آنے والے شدید زلزلے میں لاکھوں لوگ ملبے تلے دبے ہوئے ہیں کتنے ہی زندہ بچ گئے اور ہزاروں کی اموات ہوچکی ہے لیکن ایسے میں یہ واقع بہت زیادہ قابلِ غور بنا ہوا ہے جہاں ایک نومولود بچی پیدا بھی ہوئی اور زندہ بھی ہے، صحت مند بھی ہے۔ شمال مغربی شام میں ایک عمارت کے ملبے تلے سے نوزائیدہ بچی کو بچا لیا ہے۔ تفصیلات کے مطابق بچی کی ماں زلزلے کے فوراً بعد لیبر میں چلی گئی تھی اور مرنے سے پہلے انہوں نے بچی کو جنم دیا۔ بچی کے والد عبداللہ، والدہ عفرا، چار بہن بھائی اور ایک خالہ بھی زلزلے میں ہلاک ہو گئے ہیں۔ یہ قدرت کا ایک بڑا کرشمہ ہے جس کو عالمی میڈیا پر ہر کوئی دیکھ کر حیران رہ گیا ہے۔

ریسکیو اہلکاروں نے جب ملبے تلے زندہ نومولود بچے کو نکالا تو دیھ کر سب دنگ رہ گئے، اس بچے کی ویڈیوز بھی سوشل میڈیا پر خوب شیئر کی جارہی ہے۔ بچے کے چچا خلیل السوادی نے اے ایف پی کو بتایا کہ ہم نے کھدائی کرتے وقت ایک آواز سنی۔ ہم نے دھول صاف کی اور بچی ملی جس کی نال جڑی ہوئی تھی، تو ہم نے اسے کاٹ دیا اور کزن اسے ہسپتال لے گیا۔ ڈاکٹر نے کہا کہ بچی ہسپتال میں بُری حالت میں پہنچی تھی، اس کے پورے جسم پر کئی زخم اور خراشیں تھیں۔ وہ سخت سردی کی وجہ سے ہائپوتھرمیا کا شکار ہوئی۔ ہمیں اسے گرم کرنا اور کیلشیم بھی دینا پڑا۔