پچھلے ہفتے اے سی کے بل میں کمی لانے کے طریقے بتائے گئے تھے جن سے بہت سے لوگوں نے قائدہ اٹھایا تھا، اگر آپ نے نہیں پڑھا تو اس خبر کے بعد اس خبر کو ضرور پڑھئے گا۔ آج آپ کو بتائیں گے کہ اوون کو استعمال کرتے ہوئے بجلی کے بل میں کس طرح کمی لائی جا سکتی ہیں۔ بیک وقت کئی ڈشز پکائیں: بجلی کے بل میں کمی لانے کا ایک بہترین طریقہ یہ ہے کہ آپ ایک وقت میں کئی ڈشز ایک ساتھ اوون میں رکھ سکتے ہیں ، اس طرح آپ وقت بھی بچائیں اور بجلی کے بل میں بھی کمی آئے گی۔ چینی یا گلاس کے برتن: چینی اور گلاس کے برتن کی خاص بات یہ ہے کہ یہ گرمائش کو کافی دیر تک برقرار رکھتے ہیں با نسبت میٹل کے۔ یعنی بہت ہی کم ٹیمپریچر پر آپ ڈشز کو گرم کر سکتے ہیں۔ اس طرح آپ باآسانی بجلی کا بل کم کر سکتے ہیں۔ کونسی ریک کس طرح استعمال کرنی ہے: اوون میں موجود سب سے اوپر والی ریک، بیچ والی اور سب سے نیچے والی ریک ٹیمپریچر کے حساب سے رکھی جاتی ہیں، سب سے اوپر والی ریک پر زیادہ ٹیمپریچر کے کھانوں کو پکایا جاتا ہے، جبکہ بیچ والی درمیانے ٹیمپریچر کے کھانوں کے لیے ہوتی ہے جبکہ نچلی ریک سب سے کم ٹیمپریچر کے کھانوں کے لیے رکرھی جاتی ہے۔ اس طرح آپریکس کا تعین کر کے بھی بجلی کے بل میں کمی لا سکتے ہیں۔ کنویکشن اوون (convection oven): کنویکشن اوون کی خاص بات یہ ہے کہ اس اوون کے استعمال سے آپ 20 فیصد تک بل میں کمی لا سکتے ہیں۔