بہتر نظامِ ہاضمہ چاہتے ہیں تو ناشتے میں ان پانچ غذاؤں کا استعمال لازمی کریں، جانیں یہ غذائیں کونسی ہیں

چند ایسی غذائیں ہیں جن کا صبح سویرے استعمال ہماری صحت کو یقینی بنا سکتا ہے، مگر ہم عمومی طور پر دیسی ناشتہ کرتے ہیں جیسے پراٹھے روٹی وغیرہ لیکن آپ ہم جان لیں کہ ان غذاؤں کا ناشتے میں استعمال آپکی صحت کے لئے مفید نہیں ہے تو آپ بھی انہیں کھانا چھوڑ دیں گے۔

ہماری صحت اور بہتر نظامِ ہاضمہ کے لئے کونسی غذائیں اہم ہیں، یہ آج ہم آپ کو بتائیں گے، تاکہ آپ بھی ان کا استعمال کریں اور بنا سکیں خود کو صحت مند اور توانا۔

نظامِ ہاضمہ کی بہتری کے لئے پانچ اہم غذائیں

پپیتہ

دن کا پہلا کھانا سب سے اہم ہوتا ہے، اس لئے اگر صبح سویرے ناشتے میں پپیتہ کھایا جائے تو یہ آپ کی آنتوں کے لئے بےحد مفید ہے، پپیتہ آپ کے نظامِ ہاضمہ کو بوسٹ کرے گا اور اس کی کارکردگی کو بہتر بنائے گا، ساتھ ہی آپ پورا دن جو بھی کھائیں اس کو با آسانی ہضم کرے گا۔

سیب

سیب وٹامن اے اور سی سے مالا مال ہے، اس میں متعدد معدنیات اور پوٹاشیم بھی ہوتا ہے، اس کے استعمال سے قبض کے مسئلے سے نمٹنے میں مدد ملتی ہے اور فائبر سے بھر پور ہونے کی وجہ سے یہ صحت مند نظام ہاضمہ بناتا ہے ساتھ ہی یہ مثال تو آپ نے سنی ہی ہوگی کہ روزانہ ایک سیب کا استعمال آپ کو ڈاکٹر سے دور رکھ سکتا ہے، اس لئے ناشتے میں سیب ضرور کھائیں اور چکنائی والے کھانے سے گریز کریں۔

کھیرا

موسمِ گرما کی سبزیوں میں ایک ایسا انزئم ہوتا ہے جسے اریپسن کہتے ہیں یہ نظامِ ہاضمی بہتر بناتا ہے جگر کو ٹھنڈک فراہم کرتا ہے، اس لئے کھیرے سے صبح کا آغاز اگر کھیرا کھا کر کیا جائے تو اس سے آپ کا نظامِ ہاضمہ بھی بہتر رہے گا اور گرمی کی شدت بھی کم ہو گی یہ آپ کو ٹھنڈک پہنچائے گا۔

کیلے

کیلوں میں فائبر بھرپور مقدار میں پایا جاتا ہے اس لئے کیلے صحت مند نظامِ ہاضمہ کے لئے ہمیشہ سے ہی مشہور ہیں، روزانہ ناشتے میں ایک کیلا کھانا آپ کی صحت کے لئے بے حد مفید ہے۔

شہد اور لیموں

شہد اور لیموں کے فوائد بے شمار ہیں لیکن اگر انہیں روزانہ صبح کی چائے کے طور پر گرم پانی میں ملا کر پیا جائے گا تو نظامِ ہاضمہ بھی بہتر ہوگا اور قوتِ مدافعیت میں بھی اضافہ ہوگا یہی نہیں بلکہ یہ ڈرنک آپ کے وزن کو کم کرنے میں بھی کردار ادا کرے گی۔

تو بس پھر انتظار کیسا آج ہی سے ناشتے میں ان پانچ غذاؤں کا استعمال شروع کر دیں تاکہ آپ بھی ہو جائیں سلم اینڈ سمارٹ اور صحت مند۔