اتنی تکلیف، ایسی کیا مجبوری تھی؟ صبا فیصل کی درد ناک بیوٹی ٹریٹمنٹ دیکھ کر صارفین بھی لرز گئے

Netizen Reacts On Saba Faisal Cosmetic Procedure Video

صبا فیصل، جو نہ صرف اپنی اداکاری کے باعث مقبول ہیں بلکہ اپنے چاہنے والوں کے ساتھ مسلسل جڑی رہنے کی وجہ سے بھی بے حد پسند کی جاتی ہیں، ایک بار پھر خبروں میں ہیں۔

عمر کے اس حصے میں بھی اپنی خوبصورتی اور فٹنس کا خاص خیال رکھنا اُن کی پہچان بن چکا ہے، اور وہ ہمیشہ خود کو بہتر بنانے کی کوشش میں نظر آتی ہیں۔

حال ہی میں سامنے آنے والی ایک ویڈیو نے سوشل میڈیا پر ہلچل مچا دی ہے، جس میں صبا فیصل ایک اسٹیٹک کلینک میں موجود دکھائی دیتی ہیں۔ بظاہر وہ پی آر پی اور فیشل ٹریٹمنٹ کروا رہی تھیں، اور ہمیشہ کی طرح اُن کا فوکس چمکدار، تازہ اور صحت مند جلد پر تھا۔ لیکن یہ ویڈیو دیکھ کر مداحوں کے ردِعمل کچھ اور تھے۔

کئی لوگوں نے حیرت کا اظہار کیا کہ یہ طریقۂ علاج کافی تکلیف دہ لگ رہا ہے، پھر بھی وہ ہمت کے ساتھ اسے کروارہی ہیں۔

ایک صارف نے لکھا، ہائے! دیکھ کر ہی تکلیف محسوس ہورہی ہے، میں تو بغیر کچھ کیے خوبصورت ہوں۔

دوسرے نے تبصرہ کیا، استغفراللہ! اتنا درد خود پر کیوں مسلط کر رہی ہیں؟

جبکہ ایک اور صارف نے حیرت سے کہا، اس عمر میں بھی یہ سب کروایا جا رہا ہے، ایسی کیا مجبوری ہے؟

ویڈیو وائرل ہو چکی ہے اور سوشل میڈیا پر بحث کا سلسلہ تھمنے کا نام نہیں لے رہا، مگر ایک بات طے ہے— صبا فیصل اب بھی اپنی شخصیت، اعتماد اور خود کو بہتر بنانے کی لگن کے ساتھ سب کی توجہ کا مرکز بنی ہوئی ہیں۔