قاضی واجد، بشریٰ انصاری اور جاوید شیخ کی شادی کیوں کروانا چاہتے تھے؟ بہروز سبزواری کا انکشاف

"بشریٰ انصاری میری پسندیدہ ساتھی اداکارہ ہیں۔ ان کے ساتھ میرا رشتہ فیملی جیسا ہے۔ دوست، درحقیقت، انسان کا سب سے قیمتی اثاثہ ہوتے ہیں۔"

بہروز سبزواری کا دلکش انکشاف: بشریٰ انصاری ہیں ان کی پسندیدہ ساتھی اداکارہ! پاکستانی شوبز کے سینئر اداکار بہروز سبزواری نے اشنا شاہ کے شو میں اپنے پسندیدہ ساتھی فنکاروں، شوبز کیریئر، اور دیگر دلچسپ یادوں پر گفتگو کی۔ شو کے دوران انہوں نے بشریٰ انصاری کو اپنی سب سے پسندیدہ اداکارہ قرار دیتے ہوئے ان کے ساتھ اپنے دوستانہ اور خاندانی تعلق کو بےحد سراہا۔

بہروز سبزواری نے بشریٰ انصاری کے ساتھ اپنی دیرینہ دوستی پر روشنی ڈالتے ہوئے کہا کہ ان کے لیے یہ رشتہ بہن بھائی جیسا ہے لیکن دوست انسان کی زندگی کا سب سے انمول سرمایہ ہوتے ہیں۔

قاضی واجد کی انوکھی تجویز: بشریٰ انصاری اور جاوید شیخ کی شادی کی کوشش گفتگو کے دوران ایک مزاحیہ واقعہ بھی سامنے آیا۔ بہروز سبزواری نے یاد دلایا کہ مرحوم اداکار قاضی واجد نے ایک موقع پر بشریٰ انصاری اور جاوید شیخ کی شادی کروانے کی بھرپور کوشش کی تھی۔

بشریٰ انصاری نے ہنستے ہوئے بتایا کہ، "قاضی بھائی نے ایک بار کہا کہ تم اور جاوید بہت اچھے لگو گے، شادی کرلو۔ یہ سن کر میں ہنسنے لگی اور جواب دیا کہ یہ تو ہو ہی نہیں سکتا۔ جاوید بھی قہقہہ لگا کر ہنسنے لگے تو قاضی بھائی ناراض ہوکر کہنے لگے، تم لوگ بڑے بدتمیز ہو!"

بشریٰ نے انکشاف کیا کہ ان کے دوستوں کے علاوہ کسی کو علم نہیں تھا کہ ان کی شادی ختم ہو چکی تھی۔ دوسری طرف جاوید شیخ بھی اکیلے تھے، جس کی وجہ سے قاضی واجد نے ان دونوں کی جوڑی بنانے کی تجویز دی تھی۔