نیم کے تیل کے حیرت انگیز فوائد جانیں اور کریں آپ بھی اس جادوئی تیل کا استعمال جو کر دے آپ کی ہر مشکل آسان

نیم ایک ایسا درخت ہے جو ہر موسم میں لگایا جا سکتا ہے اور اس کی کم از کم عمر دو سو سے پانچ سو سال تک ہوتی ہے، یہ درخت بہت گھنا اور سائے دار ہوتا ہے اور اس کی ٹھنڈی چھاؤں میں انسان سالوں سے سکون کی سانس لیتا آرہا ہے۔
نیم کے پتے ہوں یا اس کی لکڑی سے نکلنے والا رس اس میں موجود ہر چیز ہی قدرت نے انسانوں کے لئے تحفے کے طور پر عطا کی ہے، لیکن کیا آپ نے کبھی نیم کے تیل کا استعمال کیا ہے؟
چلیں آج ہم آپ کو بتاتے ہیں نیم کے تیل کا استعمال اور اس کے ایسے حیرت انگیز فوائد جو جان کر آپ بھی اس کا استعمال کرنا شروع کر دیں گے، اس تحریر کو آخر تک پڑھیں تاکہ آپ بھی مکمل معلومات حاصل کر سکیں۔

نیم کے پتوں سے تیار کردہ تیل کے حیرت انگیز فوائد

• بالوں کے لئے نیم کا تیل

نیم کے تیل سے اگر بالوں کا مساج کیا جائے تو اس سے خشکی، لیکھوں اور جوؤں سے نجات ملتی ہے، اگر بال بہت زیادہ جھڑ رہے ہوں تو شیمپو کرنے کے بعد آخر میں نیم کے اُبلے ہوئے ٹھنڈے پانی سے بال دھو لیں، نیم کا پانی بھی بالوں کی جڑیں مضبوط بناتا ہے۔

اگر اپ اپنے بالوں کو لمبا اور گھنا کرنا چاہتے ہیں تو نیم کے تیل میں تھوڑا سا زیتون کا تیل ملا کر اس سے بالوں کا مساج کریں بال بہت تیزی سے لمبے اور گھنے ہوں گے، اس سے بالوں کی خشکی دور ہوں رونق بحال ہو گی اور بالوں کا روکھا پن ختم ہو جائے گا۔

• نیم کے تیل کا چہرے پر استعمال

نیم کے تیل سے اگر چہرے کا مساج کیا جائے تو چہرہ تروتازہ اور نکھرا نکھرا ہو جائے گا، نیم کا تیل جراثیم کش تیل ہے اس کے استعمال سے چہرے پر دانے نہیں ہوں گے اور اگر اسے دانوں پر لگایا جائے تو یہ بیکٹیریا ختم کرے گا نیم کا تیل با آسانی بازار میں دستیاب ہوتا ہے اور اس سے اگر ناخنوں کا مساج کیا جائے تو ناخنوں میں لگی فنگس اور انفیکشن بھی دور ہو جاتا ہے۔

• اینٹی سیپٹک خصوصیات

نیم کے تیل میں ایسی قدرتی حیرت انگیز اینٹی سیپٹک خصوصیات موجود ہوتی ہیں کہ اسے زخم پر استعمال کرنے سے زخم تیزی سے بھرتا ہے اور خراب ہونے سے بچایا جا سکتا ہے۔

• پاؤں سے آنے والی بُو کا خاتمہ

نیم کے تیل سے رات سونے سے قبل مساج کرنے سے حیرت انگیز طور پر پاؤں سے آنے والی بُو کا خاتمہ ہو جاتا ہے۔

By Sadia    |    In Health and Fitness   |    0 Comments    |    6085 Views    |    13 Jul 2021

Related Articles

Comments/Ask Question

Read Blog about نیم کے تیل کے حیرت انگیز فوائد جانیں اور کریں آپ بھی اس جادوئی تیل کا استعمال جو کر دے آپ کی ہر مشکل آسان and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (نیم کے تیل کے حیرت انگیز فوائد جانیں اور کریں آپ بھی اس جادوئی تیل کا استعمال جو کر دے آپ کی ہر مشکل آسان) and how to utilize other natural ingredients to cure diseases, easy recipes, and other information related to food from KFoods.