خریدنے سے پہلے پلاسٹک اور اصلی انڈوں میں کیسے فرق کریں؟ اہم معلومات

سردیاں شروع ہوتے ہی انڈوں کی مانگ میں اضافہ ہوجاتا ہے اور کیوں نہ ہو؟ آخر کو ناشتے سے لے کر سوپ اور حلوے تک میں انڈا ڈالا جاتا ہے. البتہ بازار میں جعلی انڈوں کی آمد نے عوام کو پریشان کردیا ہے کیونکہ یہ انڈے مختلف مضر صحت کیمیکل سے تیار کیے جاتے ہیں جو نقصان دہ ہوتے ہیں.

بظاہر عام انڈوں کی طرح نظر آنے والے ان انڈوں کی زردی میدہ، کوجینٹ اور ریسین نامی کیمیکل اور سفید انڈے کی کائی سے حاصل ہونے والا سوڈیم الجنیٹ سے تیار کی جاتی ہے. جبکہ انڈے کے خول کو بنانے کے لئے کیلشیم کاربونیٹ، ویکس اور جپسم پاؤڈر استعمال کیا جاتا ہے۔

ماہرین کا کہنا ہے کہ یہ تمام اجزا انسانی صحت کے لئے کافی نقصان دہ ہیں. ان انڈوں کو کھانے سے انسان میں دماغ، جگر اور گردوں کی بیماریاں ہوسکتی ہیں۔ البتہ ان کو خریدنے سے پہلے پہچان کرنا ممکن ہے.

نقلی انڈے ابالنے کے بعد عام انڈوں کی نسبت سخت ہوتے ہیں.

خریدنے سے پہلے انڈوں کو ہلا کر دیکھیں اگر ان کے اندر سے پانی جیسی آواز آئے تو سمجھ جائیں کہ جعلی انڈہ ہے.

جعلی انڈے کو توڑا جائے تو اس کی سفیدی اور زردی آپس میں مکس ہورہی ہوتی ہے.

نقلی انڈوں کا اوپری حصہ زیادہ سفید، چمکدار اور سخت ہوتا ہے.

* اصلی انڈوں کی بو تیز ہوتی ہے اور کچے گوشت کی طرح ہوتی ہے

اصلی انڈے کو دیکھتے ہی کیڑے مکوڑے آجاتے ہیں جبکہ نقلی انڈوں کے ساتھ ایسا کچھ نہیں ہوتا.