یرقان کے مرض میں مولی کا استعمال کسی مسیحا سے کم نہیں کیونکہ ۔۔ جانیئے مولی کے استعمال میں کون کون سے مسائل کا حل چھُپا ہے؟

موسمِ سرما میں کئی سبزیاں اور پھل آتے ہیں ہیں اور ان میں سے اکثر سبزیاں ایسی بھی ہوتی ہیں جو ہمارے کئی مسائل کو حل کرنے میں مدد گار ثابت ہو سکتی ہیں، انہیں میں مولی کا شمار بھی ہوتا ہے جو کان کے درد کو دور کرنے کے ساتھ ساتھ اور بہت سی بیماریوں کے علاج کے لئے استعمال کیا جاسکتی ہے۔
کا استعمال کئی موسمی اور دائمی بیماریوں سے بچانے میں بھی مدد فراہم کرتی ہے، مولی کے اندر ایسے وٹامنز اور منرلز پائے جاتے ہیں جومختلف بیماریوں سے بچانے اوران کے علاج میں دواکا کردار ادا کرتے ہیں۔
آیئے اس کا طریقہ استعمال اور فوائد جان لیتے ہیں تاکہ آپ بھی سردی کے موسم میں مولی کے استعمال کو یقینی بنا سکیں۔

مولی سے متعدد بیماریوں کا مؤثر علاج

• کان کے درد میں مولی کا استعمال

آپ سوچ رہے ہوں گے کہ آخر مولی سے کان کا درد کیسے دور کیا جا سکتا ہے، ہم بتاتے ہیں کان میں درد ہونے کی صورت میں مولی کو گرینڈ کر کے اس کا رس نکال لیں اور اس میں روغنِ گُل (گلاب) ہم وزن لے کر اُبال لیں اسے اس وقت ابالیں کہ مولی کا پانی مکمل خشک ہو جائے اور صرف روغن گل باقی رہ جائے، اب اس کے چند قطرے کان میں ٹپکائیں، یہ درد سے نجات دے کر فوری آرام پہنچائے گا۔

• کھانسی کا علاج

مولی کھانسی دور کرنے کے لئے بھی بہترین ہے، بلکہ کھانسی کے علاج میں مولی سے بہتر کوئی دوا نہیں کھانسی چاہے کیسی بھی ہو مولی میں موجود اجزاء بلغم کےاخراج میں مدد دے کر سینے کی جکڑن کو دور کرتے ہیں اور ساتھ ہی گلے کی سوزش کو ختم کر کے کھانسی میں آرام پہنچاتے ہیں۔
اس کے لئے مولی کا رس اور شہد دونوں کو ہم وزن لے کر اس میں چٹکی بھر نمک شامل کرکے استعمال کریں، یہ کھانسی سے نجات کے لئے بہترین نسخہ ہے۔

• پتھری سے نجات

پتے یا گردے میں پتھری ایک تکلیف دہ مرض ہے، اس کے لیے آپ کو ڈاکٹر دواؤں کے بعد آپریشن تجویز کر دیتے ہیں لیکن صرف مولی ایسی سبزی ہے جو آپ کی اس مشکل کو بھی حل کر سکتی ہے، مولی حیرت انگیز طور پر پتھری کو ذرات میں بدل کر جسم سے خارج کرنی کی صلاحیت رکھتی ہے۔
بس دو کھانے کے چمچ مولی کا رس نہا منہ دو ہفتے تک باقائدہ استعمال کریں، پتھری چھوٹے چھوٹے ذرات میں بدل کر قدرتی طور پر خارج ہو جائے گی۔

• یرقان کا علاج

مولی کا استعمال جسم سے فاسد مادوں کوخارج کر کے جگر کے افعال کو بہتر بناتا ہے، یرقان کے مریض مولی کے رس کو گڑ کے ساتھ ملا کر استعمال کریں یہ یرقان کو جڑ سے ختم کرنے میں مدد فراہم کریں گے۔