بڑی الائچی کے بڑے فوائد ۔۔ جانیئے بیماریوں کی دشمن بڑی الائچی کے ایسے فوائد جو کر دے آپ کے کئی مسائل کا مکمل خاتمہ

بڑی الائچی کو مصالحوں کی ملکہ کہا جاتا ہے اور کیوں نہ کہا جائے آخر اس کے کام بھی تو بڑے ہیں آج ہم آپ کو بڑی الائچی کے بڑے فوائد کے بارے میں بتائیں گے اسے نہ صرف کھانوں میں بلکہ صحت کے مختلف مسائل کے حل کے لئے بھی استعمال کیا جاتا ہے۔
بڑی الائچی کے بےشمار فوائد ہیں یہ ہمارے ہاں روزانہ پکنے والے کھانوں میں عام استعمال ہوتی ہے اور کھانوں کا ذائقہ بڑھانے کے ساتھ ساتھ اس کی خوشبو بھی بڑھاتی ہے یہ پیٹ سے جڑے مسائل سے نمٹنے کے لئے بےحد فائدے مند ہے۔

بڑی الائچی کے بڑے فوائد

• امراضِ قلب میں مفید

امراضِ قلب کو دور کرنے اور دل کو صحت مند رکھنے کے لئے بڑی الائچی کا استعمال بےحد مفید ہے، ماہرین کے مطابق بڑی الائچی سے دل کی دھڑکنوں کو نارمل رکھنے میں مدد ملتی ہے جس سے بلڈ پریشر کنٹرول میں رہتا ہے اور خُون میں کلاٹس کے جمنے کا خدشہ کم ہوجاتا ہے۔

• پیٹ کے مسائل کا حل

بڑی الائچی کو صدیوں سے پیٹ کے مسائل دور کرنے کے لئے استعمال کیا جا رہا ہے پیٹ کی تکلیف کا اگر وقت پر علاج نہ کیا جائے تو یہ بگڑنا شروی ہو جاتی ہے جو آپ کی انتڑیوں کے لئے بہت نقصان دہ ثابت ہوتی ہے، اگر آپ صبح دوپہر اور شام ایک الائچی چبا لیں تو گیس کا مکمل طور پر خاتمہ ہو جاتا ہے اور پُرانی سے پُرانی گیس سے بھی ہمیشہ کے لئے جان چھوٹ جاتی ہے۔

• کینسر کے خلاف لڑنے میں مددگار

بڑی الائچی میں دو قسم کے اینٹی آکسیڈینٹس پائے جاتے ہیںیہ اینٹی آکسیڈینٹس بڑی آنت کے کینسر،چھاتی کے کینسر،جگر کے کینسر اور رحم کے کینسر کے جراثیم سے لڑنے میں مدد دیتے ہیں اور قوتِ مدافعت میں اضافے کا باعث بنتے ہیں ہر فرد کو اپنی غذا میں بڑی الائچی شامل کرنی چاہیے یہ کینسر کے جراثیم کو پیدا ہونے سے روکتی ہے۔

• بالوں کے لئے بہترین

بالوں کے لئے یوں تو قدرت کی جانب سے کئی چیزیں انسان کو ملی ہیں جن سے وہ بالوں کی نشونما اور مسائل کا حل کر سکتا ہے لیکن بڑی الائچی بالوں کے لئے بےحد حیرت انگیز خصوصیا رکھتی ہے، بڑی الائچی آپ کے بالوں کو تیزی سے اُگانے اور مضبوط بنانے میں اہم کردار ادا کرتی ہے بڑی الاچی کا تیل استعمال کریں یہ آپ کے بالوں کی جڑوں کو مضبوط بناتا ہے اور آپ کے بالوں کو لمبا اور گھنا بھی کرتا ہے۔

• دانتوں کی تکلیف میں مؤثر

بڑی الائچی مُنہ کی جملہ بیماریوں میں بےحد مفید ثابت ہوتی ہے کیونکہ یہ منہ کے جراثیم کا خاتمہ کرتی ہے دانتوں میں کیڑا لگنے کی بیماری، مُنہ کی بدبو اور مسوڑھوں سے خون آنے جیسی کئی بیماریوں کے علاج کے لئے بڑی الائچی کا استعمال مفید ہے۔