مجھے لگا ارباز اچھا آپشن ہیں لیکن۔۔ ملائکہ اروڑا نے شادی سے لے کر طلاق کی کیا کہانی سنا دی؟

“جس خاندان سے میرا تعلق ہے وہاں لڑکیوں پر جلدی شادی کے لئے دباؤ نہیں ڈالا جاتا۔ میرے ماں باپ نے مجھے آذادی سے جینے کا پورا حق دیا تھا لیکن میرے دل میں شادی کا خیال آگیا تھا۔ میں 22 سے 23 سال کی عُمر میں ہی شادی کرنا چاہتی تھی البتہ جلدی شادی کرنے کے لیے کسی نے مجبور نہیں کیا تھا۔ بالآخر میں نے 25 سال کی عُمر میں ارباز خان سے شادی کرنے کا فیصلہ کیا کیونکہ وہ اس وقت میرے پاس بہترین آپشن تھے“

یہ کہنا ہے ماڈل اور اداکارہ ملائکہ اروڑا کا جو اکثر ہی اپنی شادی ٹوٹنے اور سابق شوہر کی دوسری شادی کے بعد خبروں کا مرکز بنی رہتی ہیں۔ ملائکہ نے حالیہ انٹرویو میں اپنی نجی زندگی کے حوالے سے اور شادی سے لے کر طلاق کے بارے میں کھل کر گفتگو کرتے ہوئے بتایا کہ

“شادی کے چند برس بعد مجھے احساس ہوا کہ میں زندگی میں کچھ اور کرنا چاہتی تھی البتہ اب میں اپنے بیٹے کی خوشی بھی چاہتی تھی اور ساتھ ہی زندگی میں خود کو مطمئن کرنا اور خوش رہنا چاہتی تھی۔

ملائکہ کا کہنا تھا کہ وہ نہیں جانتی تھیں کہ طلاق کے بعد بھی وہ فلم انڈسٹری میں کام کرسکیں گی یا نہیں کیونکہ بھارتی سماج میں یہاں تک کہ شوبز کی دنیا میں بھی طلاق کو اچھا نہیں سمجھا جاتا تھا۔

واضح رہے کہ ٢٠١٩ میں ملائکہ اور ارباز کی طلاق کے بعد رواں برس کے آغاز میں ہی ارباز خان نے میک آرٹسٹ شوریٰ خان سے دوسری شادی کر لی ہے۔