تم وہی ہو جو بیوی کے بیوٹی پارلر کے لئے بجلی چوری کرتے تھے۔۔ جواد احمد کی مشاق احمد خان پر تنقید ! مشی خان ہتھے سے اکھڑ گئیں، ویڈیو

Mishi Khan Calls Jawad Ahmed Bonga Singer

"ہر چیز کی ایک حد ہوتی ہے! میں کافی دیر سے اس بونگے سنگر جواد احمد کو نظر انداز کر رہی تھی، جو ہر وقت مائیک پکڑ کر فضول باتیں کرتا رہتا ہے۔ یہ گلوکار آخر ہے کون جو سینیٹر مشتاق احمد کے خلاف بول رہا ہے، کہ ان کا غزہ جانا ایک پبلسٹی اسٹنٹ تھا؟ تم ہوتے کون ہو یہ کہنے والے؟ تم نے خود ساری زندگی شہرت اور پیسوں کے لیے گایا ہے! تم نے زندگی میں کیا کیا ہے سوائے لوگوں کی توجہ لینے کے؟ تم وہی ہو جو اپنی بیوی کے بیوٹی پارلر کے لیے بجلی چوری کرتا تھا، اور ڈالرز کے لیے گاتا رہا! تمھارا وہی ایک پرانا کالا سوٹ جو ہر فنکشن میں پہنتے ہو، وہ بھی مینارِ پاکستان پر اسٹیج سے گرنے پر پھٹ گیا تھا! کون ہو تم؟ بس ایک ایسا شخص جو عمران خان سے نفرت میں پاگل ہو چکا ہے!"

پاکستانی اداکارہ، ہوسٹ اور بے باک تبصروں کے لیے مشہور مشی خان ایک بار پھر خبروں میں ہیں اور اس بار ان کا ہدف کوئی اور نہیں بلکہ گلوکار اور سیاستدان جواد احمد ہیں، جنہوں نے حال ہی میں سینیٹر مشتاق احمد خان کے خلاف ایک ویڈیو بیان دیا تھا۔

یاد رہے کہ سینیٹر مشتاق احمد وہ واحد پاکستانی تھے جو فریڈم فلوٹیلا کے ساتھ غزہ کی طرف امدادی مشن پر گئے تھے۔ ان کی اس بہادری اور اقدام کو دنیا بھر میں سراہا گیا، لیکن جواد احمد نے اسے محض "پبلسٹی اسٹنٹ" قرار دے دیا، جس پر عوام نے ان پر شدید تنقید کی اور اب مشی خان نے بھی اپنے انداز میں جواب دے ڈالا۔

مشی خان نے ایک ویڈیو پیغام کے ذریعے جواد احمد کو خوب آڑے ہاتھوں لیا۔ انہوں نے نہ صرف ان کے سیاسی بیانات کو بے بنیاد کہا بلکہ ان کی ذاتی زندگی کے تضادات بھی کھول کر رکھ دیے۔ بجلی چوری سے لے کر منارِ پاکستان پر پھٹے سوٹ تک، مشی نے ہر بات کا حساب چکتا کر دیا۔

ان کا کہنا تھا کہ جواد احمد کو خود اپنی ساری زندگی عوامی توجہ اور دولت حاصل کرنے میں گزری، اور آج وہ دوسروں پر تنقید کر رہے ہیں جو ایک حقیقی مقصد کے لیے میدان میں نکلے۔

مشی خان کی اس دھواں دار ویڈیو نے دیکھتے ہی دیکھتے سوشل میڈیا پر آگ لگا دی۔ صارفین نے نہ صرف ان کی بے لاگ گفتگو کو سراہا بلکہ کئی لوگوں نے اسے "ٹاپ کلاس ٹیک ڈاؤن" قرار دیا۔ فیشن ڈیزائنر ماریا بی نے بھی ویڈیو پر ردِعمل دیا اور مشی کی باتوں کی تائید کی۔