1 لاکھ لوگوں کو کلمہ پڑھا کر مسلمان کردیا۔۔ ہندو سے مسلمان ہونے والے یہ 80 سالہ بزرگ کون ہیں؟

“میں ہندو گھرانے میں پیدا ہوا تھا۔ اچانک مجھے اسلام سے لگاؤ پیدا ہوا۔ چھپ چھپ کر قرآن اور نماز پڑھتا تھا۔ پھر رمضان سے ایک دن پہلے اسلام قبول کیا اور مسلمان ہوگیا۔ اب تک ایک 1 لاکھ سے زیادہ لوگوں کو کلمہ پڑھا چکا ہوں“

یہ چونکا دینے والے الفاظ 80 سالہ بزرگ دین محمد شیخ کے ہیب جن کا تعلق اندرون سندھ کے شہر ماتلی سے ہے۔ دین محد شیخ 1989 سے لے کر اب تک 108,000 لوگوں کو مسلمان کرچکے ہیں۔

ہندو سے مسلمان کیسے ہوئے؟

اتنے عظیم بزرگ ہونے کے باوجود دین محمد شیخ انتہائی سادہ زندگی بسر کرتے ہیں اور عام سی چارپائی پر بیٹھ کر ہی دین کی تبلیغ کرتے ہیں۔ ان کا نام جھنگلی تھا جسے سائیں محمد جگسی نامی بزرگ کے ہاتھوں اسلام قبول کرنے کے بعد انھوں نے تبدیل کردیا۔

پہلے صرف نماز کی پابندی کریں

دین محمد شیخ ماتلی کی جامعہ مسجد اللہ والی اور مدرسہ عائشہ تعلیم القرآن کے صدر ہیں۔ ان کا کہنا ہے کہ دین کی تبلیغ ایک صبر والا کام ہے۔ جو بچے مسلمان ہونا چاہتے ہیں میں انھیں صرف یہ کہتا ہوں کہ وہ نماز کی پابندی کریں۔ جب وہ نماز کے پابند ہوجائیں اس کے بعد انھیں باقی دین دھیرے دھیرے سکھاتا ہوں۔

دنیا کے ہر شخص کو مسلممان کرنا چاہتا ہوں

دین محمد شیخ کے مطابق ابھی بھی ان کا مشن مکمل نہیں ہوا ہے۔ وہ پوری دنیا کے ہر شخص کو اسلام کی روشنی سے روشناس کروانا چاہتے ہیں۔