کیا ہانیہ کا نام لے کر عاصم گنگاتے ہیں۔۔ میزبان کے سوال پر میرب ہکا بکا رہ گئیں! کیا جواب دیا؟

Merub Ali Reaction To Hania Aamir Mention In A Show

پاکستانی اداکارہ اور انفلوئنسر میرب علی، جو کہ معروف گلوکار عاصم اظہر کی منگیتر ہیں، حال ہی میں ایک پوڈکاسٹ میں ایک غیر متوقع لمحے سے گزریں جب میزبان نے ان کے سامنے ہانیا عامر کا ذکر چھیڑ دیا!

مشہور اداکار اور میزبان علی سفینہ کے پوڈکاسٹ میں گفتگو کے دوران اچانک میرب علی سے ایک دلچسپ سوال کیا گیا:

"کیا عاصم اظہر تمہارے لیے گانے گاتے ہیں؟"

یہ سوال سن کر میرب علی نے مسکرا کر جواب دینا چاہا، لیکن اس سے پہلے ہی علی سفینہ نے مزید چٹکی لیتے ہوئے کہا:

"کوئی ایسا گانا جیسے 'او ہانیا وے دل جانیا'؟"

یہ سنتے ہی میرب علی دنگ رہ گئیں! لیکن انہوں نے اپنا ردعمل قابو میں رکھا اور کوئی ہنگامہ کھڑا نہیں کیا۔ یہ پہلا موقع نہیں تھا جب عاصم اظہر کو ہانیا عامر کے نام سے تنگ کیا گیا ہو۔ ماضی میں بھی کنسرٹس کے دوران لوگ ہانیا عامر کا نام لے کر انہیں ہراساں کرنے کی کوشش کرتے رہے ہیں، لیکن عاصم ہمیشہ باوقار انداز میں ان باتوں کو نظر انداز کر دیتے ہیں۔

جب عاصم اظہر اور میرب علی کی منگنی کا اعلان ہوا، تو لاکھوں مداحوں نے خوشی کا اظہار کیا، لیکن ساتھ ہی تنازعہ بھی کھڑا ہوگیا کیونکہ میرب، ہانیا عامر کی دوست رہ چکی تھیں۔ اس لیے کچھ لوگوں نے اس جوڑی کو ٹرول کرنا شروع کر دیا۔

اگرچہ پوڈکاسٹ میں ہانیا عامر کا ذکر ایک مذاق کے طور پر کیا گیا تھا، لیکن ایسے لمحے اکثر مشہور شخصیات کے لیے غیر متوقع ہوتے ہیں۔ میرب نے اپنے جذبات پر قابو رکھا، کوئی برا تاثر نہیں دیا اور بات کو تحمل سے گزار دیا۔