ماورا نے مہندی کی تقریب میں کس بھارتی ڈیزائنر کا جوڑا پہنا؟ رنگا رنگ تصویریں سوشل میڈیا پر چھا گئیں

پاکستانی اداکارہ ماورا حسین نے اپنی شادی کے رنگین ایونٹ 'مہندی' پر بھارتی ڈیزائنر منیش ملہوترا کے جوڑے میں سادگی اور شانداری کا ایسا امتزاج پیش کیا کہ دیکھنے والوں کی نظریں ان سے ہٹنا مشکل ہوگئیں۔

ماورا نے شوبز انڈسٹری میں اپنی محنت اور لگن سے ایک خاص مقام حاصل کیا، مگر اس کے ساتھ ہی وہ اپنی دبلی پتلی جسامت کی وجہ سے شدید تنقید کا سامنا بھی کرتی رہیں۔ لیکن ماورا نے کبھی ان منفی تبصروں کو دل پر نہ لیا اور ہمیشہ اپنے کریئر پر پوری توجہ دی۔

ماورا کی شادی کی تقریبات نے سوشل میڈیا پر تہلکہ مچایا، اور ان کے نکاح، شیندی اور ولیمے کے ایونٹس کی تصاویر نے فینز کے دل جیت لیے۔ لیکن جب ماورا نے شادی سے قبل کی تقریبات کی تصاویر بھی شیئر کرنی شروع کیں تو مداحوں کا جوش اور بڑھ گیا۔ ان تقریبات میں مایوں، ڈھولکی اور مہندی کی تصاویر نے ان کی شادی کو ایک اور رنگین موڑ دیا۔

مہندی کی تقریب میں ماورا نے جو شاندار جوڑا پہنا وہ بھارتی ڈیزائنر منیش ملہوترا کی تخلیق تھا۔ اس خوبصورت جوڑے میں کوپر چھوٹی فراک اور غرارہ شامل تھا، جس کے ساتھ جامنی شال اور گلابی دوپٹہ پہنا۔ یہ جوڑا منیش ملہوترا کے 2020 کے ’روحانیت‘ کلیکشن کا حصہ تھا، جو ماورا کے لیے خاص طور پر نہیں بنایا گیا تھا بلکہ ایک فیسٹیول کلیکشن کا حصہ تھا۔

ماورا کا یہ جوڑا سلک کپڑے سے تیار تھا، جس پر زری ورک اور رنگین چٹا پٹی ورک کی خوبصورت تفصیلات موجود تھیں، اور اس کے ساتھ میچنگ غرارہ نے اس میں مزید کشش پیدا کی۔ اداکارہ نے اس کو مزید جاذبِ نظر بنانے کے لیے دو مختلف دوپٹے منتخب کیے، ایک گلابی دوپٹہ جو اس نے کاندھے پر سیٹ کیا اور دوسرا جامنی بنارسی دوپٹہ جو اس نے اپنے بازو پر اوڑھ رکھا تھا۔

ماورا نے اس حسین جوڑے کے ساتھ جیولری کا انتخاب بھی بہت سلیقے سے کیا۔ ماتھے پر ٹیکہ، گلے میں ہار اور کانوں میں ہلکے زیورات نے ان کی شخصیت میں مزید نکھار پیدا کیا۔ ان کی ہلکا میک اپ اسٹائل نے ان کے چہرے کو جوان اور تازہ دکھایا، جو اس ایونٹ میں ان کے قدرتی حسن کو اور اجاگر کر رہا تھا۔