سعدیہ امام نے اپنی شادی پر کسی اور کا دیا جوڑا کیوں پہنا؟

"میں اس وقت کپڑوں کا کاروبار کر رہی تھی اور اپنی شادی کا جوڑا بھی خود بنوا رہی تھی۔ جب کارخانے میں میرا جوڑا تیار ہو رہا تھا، تب شاٹ سرکٹ ہوا اور پورا کارخانہ جل گیا، اور اس کے ساتھ میرا شادی کا جوڑا بھی۔ میرا جوڑا میری امی کے پسندیدہ رنگ کا تھا، اور جب وہ جل گیا تو مجھے بہت دکھ ہوا۔"

یہ کہنا ہے سعدیہ امام کا جنھوں نے حال ہی میں مارننگ شو میں شرکت کے دوران شادی کے جوڑے کے ساتھ پیش آیا واقعہ سنا دیا۔ شادی سے قبل جب ان کا جوڑا کارخانے میں تیار ہو رہا تھا، بدقسمتی سے شاٹ سرکٹ کے باعث پورا کارخانہ آگ کی لپیٹ میں آگیا اور جوڑا بھی جل گیا۔ یہ جوڑا ان کی والدہ کے پسندیدہ رنگ کا تھا، اور اس نقصان نے انہیں گہرے دکھ میں مبتلا کر دیا۔

انہوں نے مزید کہا، "میں نے اپنی ایک کسٹمر کو ویسے ہی رنگ کا جوڑا بنوایا تھا، اور جب میری کسٹمر کو اس بارے میں بتایا، تو اس نے کہا، ‘آپ میرا جوڑا پہن لیں، میری شادی آپ کی شادی کے بعد ہے۔’ اور میں نے اپنی شادی پر اس کا جوڑا پہنا۔ بعد میں، میں نے اس کے لیے نیا جوڑا تیار کروا دیا۔"

سعدیہ امام نے ایک کسٹمر کو ویسا ہی جوڑا بنایا تھا، اور جب کسٹمر کو صورتحال کا علم ہوا، اس نے فراخدلی سے کہا کہ وہ ان کا جوڑا پہن سکتی ہیں کیونکہ اس کی شادی بعد میں تھی۔ یوں سعدیہ نے اپنی شادی میں اپنی کسٹمر کا جوڑا پہنا، اور بعد میں اسی طرز کا ایک نیا جوڑا کسٹمر کو بنا کر دیا۔