کیا آپ مخانوں کے حیرت انگیز فوائد سے واقف ہیں؟ جانیں انہیں اپنی غذا میں شامل کرنے کے چند آسان طریقے اور فوائد جو جان کر آپ بھی آج سے ان کا استعمال شروع کر دیں گے

گلوٹین سے پاک اور پروٹین سے بھرپور مخانے ایک مثالی خوراک ہیں، جو لوگ مخانوں کی افادیت سے بخوبی واقف ہیں ان کے گھروں میں مخانوں کا ذخیرہ ہوگا اور وہ اسے باقاعدگی سے استعمال بھی کرتے ہوں گے، اگر آپ مخانوں کے فوائد نہیں جانتے تو آج ہم آپ کو بتائیں گے ان کے حیررت انگیز فوائد اور انہیں اپنی غذا میں شامل کرنے کے چند طریقے۔
مخانے پروٹین سے بھرپور ہوتے ہیں، اسے گِری دار میوہ یا پھر کنول کے بیج بھی کہا جاتا ہے، لیکن عام طور پر یہ مخانوں کے نام سے ہی مشہور ہیں، پروٹین سے مالامال یہ غذا وزن کم کرنے کے لئے بے حد فائدے مند ہے جو بھوک کا احساس کم کرتے ہے اور وزن کو تیزی سے کم کرتے ہے۔
یہ بات یاد رکھیں کہ مخانے بلکل گلوٹین فری ہوتے ہیں، اور یہ ذیابطیس کے مریضوں کے لئے بہت فائدے مند غذا ہے، اس لئے اگر آپ بھی اپنا وزن کم کرنا چاہتے ہیں تو مخانوں کو اپنی روزانہ کی غذا میں شامل کر لیں اور پھر دیکھیں اس کا کمال، لیکن آپ ایک ہی طرح سے مخانوں کو کھا کھا کر نہ تھک جائیں اس لئے آج ہم آپ کو انہیں مختلف طریقوں سے بنانے کی ترکیب بتا رہے ہیں، تو چلیں پھر شروع کرتے ہیں۔

مخانوں کو روزانہ کی غذا میں شامل کرنے کی چند تراکیب

• مخانوں کی کھیر

مخانوں کو ڈرائی فروٹ اور دودھ کا تڑکہ لگائیں اور مزیدار کھیر بنائیں، بس چینی کم استعمال کریں تاکہ مکھانے اپنا اصل کام کر پائیں، دودھ میں مخانوں کو پکا کر اچھی طرح گھُلا لیں، پھر اس میں بادام پستے کاجو ڈالیں اور گھی میں الائچی ڈال کر اس پر تڑکہ لگائیں لیجیئے بن گئی مخانوں کی لذیذ کھیر، بس چینی حسبِ ضرورت ڈالیں۔

• مخانہ چوپس

یہ چائے کے ساتھ کھانے کے لئے ایک ہلکی غذا کے طور پر استعمال کئے جا سکتے ہیں، مخانوں کو فرائی پین میں تھوڑے سے گھی میں فرائی کر لیں کہ یہ پاپ کارن جیسے ہو جائیں پھر ان میں کالا نمک، کٹی لال مرچ ڈالیں گرما گرم نکال کر اسے پودینے کی چٹنی کے ساتھ کھائیں، بہت مزیدار لگیں گے۔

• کاجو مخانہ لاجواب

یہ تو بہت ہی زائقے دار ڈش ہے، بس کرنا یہ ہے کہ ایک پاؤ کے قریب کاجو کو گرینڈ کر کے باریک پیس لیں، اس میں کھوپرا اور دادھ بھی شامل کریں، اب ایک فرائی پین میں تھوڑے سے کاجو بھون کر الگ رکھ لیں، پھر اسی پین میں تھوڑا سا زیرہ ڈالیں اور پیسا ہوا کاجو کا پیسٹ ڈال کر پکائیں، اب اس میں تھوڑی سے چینی اور مخانے ڈال کر پکائیں، چاہیں تو اوپر سے مزید بادام پستے ڈال دیں، لیجئے بن گئی کاجو مخانہ لاجواب۔

• مخانہ فرائی

یہ ریسیپی ان کے لئے ہے جن کے پاس زیادہ ڈشز بنانے کا وقت نہیں مگر مخانہ کھانا چاہتے ہیں تاکہ وزن کم سکیں، بس فرائی پین میں زرا سا زیرہ، مخانہ، کٹی ہوئی مرچ زیتون کے تیل میں ڈال کر فرائی کر لیں اور اسے جب دِل چاہے تب کھائیں۔

• مخانہ ملک شیک

اگر آپ روانہ ملک شیک پیتے ہیں اور چاہتے ہیں آپ کا ملک شیک پروٹین سے بھرپور ہو جائے تو بس اس میں مخانے شامل کر لیں، ایک گلاس دودھ کو گرینڈر میں ڈالیں، اس میں مخانے براؤن شوگر اور شہد ڈال کر گرینڈ کریں اور پی لیں بس بن گیا آپ کا پروٹین سے بھرپور ملک شیک۔

By Sadia    |    In Health and Fitness   |    0 Comments    |    816 Views    |    08 Jun 2021

Comments/Ask Question

Read Blog about کیا آپ مخانوں کے حیرت انگیز فوائد سے واقف ہیں؟ جانیں انہیں اپنی غذا میں شامل کرنے کے چند آسان طریقے اور فوائد جو جان کر آپ بھی آج سے ان کا استعمال شروع کر دیں گے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (کیا آپ مخانوں کے حیرت انگیز فوائد سے واقف ہیں؟ جانیں انہیں اپنی غذا میں شامل کرنے کے چند آسان طریقے اور فوائد جو جان کر آپ بھی آج سے ان کا استعمال شروع کر دیں گے) and how to utilize other natural ingredients to cure diseases, easy recipes, and other information related to food from KFoods.