مکئی کے ننھے ننھے دانے کتنے بڑے فوائد کے حامل ہیں، جانیئے مکئی کھانے کے وہ فوائد جو جان کر آپ آج ہی سے اس کا استعمال شروع کر دیں گے

مکئی یعنی پاپ کارن ایک ایسی غذا ہے جو سب ہی کو پسند ہوتی ہے، یہ کھانے میں ہلکی ہوتی ہے اور اسے دنیا بھر میں مختلف طریقوں سے استعمال کیا جاتا ہے، کوئی اسے اُبال کر کھاتا ہے تو کوئی بھون کر اور کوئی اسے گرم تیل میں پکا کر پھُلا کر کھاتا ہے یہ طریقہ عام طور پر سب سے زیادہ مقبول ہے۔
ان ننھے ننھے موتیوں جیسے سنہرے دانوں میں کس قدر غذائیت اور افادیت موجود ہے آیئے اس پر تبصرہ کرتے ہیں۔

مکئی کے دانوں کے حیرت انگیز فوائد

• نظامِ ہاضمہ میں بہتری

مکئی کے دانوں میں فائبر کی وافر مقدار موجود ہوتی ہے اس کے استعمال سے نظامِ ہاضمہ بہتر رہتا ہے پاپ کارن کھانے سے قبض ٹوٹتا ہے اور پیٹ کے مسائل دور ہوتے ہیں۔

• دل کی صحت کے لئے مفید

مکئی میں وٹامن بی کی ایک قسم فولیٹ پائی جاتی ہے جس کی وجہ سے خون میں ایسی مضرِ صحت چیزیں پیدا نہیں ہوتی جس سے دل کی صحت کو خطرہ ہو، جن غذائی اجزاٰء میں فولیٹ پایا جاتا ہے وہ دل کی صحت کے لئے بےحد مفید ہوتی ہیں۔

• وزن کم کرنے کے لئے بہترین

مکئی کھانے میں جتنا ہلکا پھلکا ہے اتنا ہی اس کا استعمال وزن میں کمی کا بھی باعث بنتا ہے اگر آپ چاہتے ہیں کہ وزن کنٹرول میں رہے تو چاول کھانے کی بجائے مکئی کو ترجیح دیں، اس سے ملنے والی پروٹین کی وجہ سے کچھ ہی عرصے میں آپ کا وزن کم ہونے لگے گا، اگر ایک پیالی بھی روزانہ پاپ کارن یا بھنے ہوئے مکئی کھائیں تو اس سے وزن میں حیرت انگیز کمی ہوگی۔

• خون کی کمی کو دور کرے

آپ نے کبھی سوچا بھی نہیں ہوگا کہ یہ سنہرے دانے آپ کے جسم سے فاضل مادوں کو دور کرنے کے ساتھ ساتھ خون کی صفائی کے علاوہ خون کی کمی کو بھی دور کرنے کی صلاحیت رکھتے ہیں، اگر وٹامنز کی کمی ہو تو اس کے لئے بھی مکئی کا استعمال بہترین ہے وٹامنز کی کمی کو مکئی کھا کر دور کیا جا سکتا ہے مکئی میں آئرن کی وافرمقدار پائی جاتی ہے جو کہ جسم میں کومضبوط بنانے میں مدد دیتی ہے۔

• ذیابطیس کے مریضوں کے لئے مفید

جن افراد کو ذیابیطس یا بلڈ پریشر کامسئلہ ہو انہیں مکئی کا استعمال ضرور کرنا چاہیے، اس میں موجود فوٹوکیمیکلز کی وجہ سے خون میں اعتدال رہتا ہے اور اس میں کاربوہائیڈریٹس کی کم مقدار کی وجہ سے ذیابیطس کنٹرول میں رہتی ہے اور ساتھ ہی بلڈ پریشر بھی نہیں ہوتا۔