امی مجھے معاف کرنا، میں زندگی سے تھک گیا ہوں ۔۔ نوجوان لڑکے کا موت سے چند لمحے پہلے والدہ کو لکھا گیا خط وائرل کیوں ہوا؟

ایک انسان اپنی زندگی میں کس تکلیف سے گزر رہا ہوتا ہے، اس کا اندازہ وہی انسان یا اس کا رب لگ سکتا ہے، لیکن اس سب میں اسے مضبوط اور حوصلہ مند ہونا چاہیے۔ لیکن ایک ایسا ہی نوجوان سوشل میڈیا پر وائرل ہو گیا، جب اس نے اپنی جان لینے سے پہلے ایک خط لکھا۔

سوشل میڈیا پر ایک نوجوان کی تصاویر اور خط کافی وائرل ہے، جس میں احسن ملک نامی نوجوان نے اپنی جان لینے سے قبل ایک خط لکھا۔

احسن نے خط میں لکھا کہ ماں جی! مجھے معاف کر دینا، آپ سب کو بھائی، آپی کو اللہ اتنا خوش رکھے کہ میری کمی آپ سب کو محسوس نہ ہو۔ اللہ حافظ۔ اللہ مجھے معاف کردے، آمین۔

ایک نامعلوم تکلیف میں مبتلا احسن کا یہ خط اس کی رحلت کے بعد سامنے آیا، والدین اور گھر والوں کے لیے یہ لمحہ کسی قیامت سے کم نہ تھا۔ احسن نے مزید لکھا کہ بہت تھک گیا ہوں زندگی سے، اس لیے خود کو اللہ کے پاس لے کر جا رہا ہوں، ماما جی وقت ہو گیا ہے، میرا اللہ حافظ!۔

احسن نے اپنے سوشل میڈیا اکاؤنٹ پر ایک شعر بھی لکھا کہ اب خوشی دے کر آزما مجھے ۔۔

ان غموں سے میں نہیں مرتا۔

تکلیف الفاظ ظاہر کر رہے ہیں کہ احسن کسی ایسی پریشانی اور مشکل میں مبتلا تھا، جو اسے اندر ہی اندر گھٹنے پر مجبور کر رہی تھی، اس کی پریشانی نے اس حد تک اس پر غلبہ حاصل کر لیا، کہ جوان جان نے خود ہی کی جان لینے پر خود کو تیار بھی کر لیا۔ اگرچہ واقعہ پرانا ہے، لیکن خط ایک بار پھر سوشل میڈیا پر وائرل ہو گیا ہے۔

ڈپریشن ایک ایسا ہی مرض ہے جو کب ایک ہنستے ہوئے کھلکھلاتے ہوئے چہرے کو مرجھا دے، کچھ پتہ نہیں چلتا ہے۔ احسن تو اس دنیا سے چلا گیا، لیکن باقی دنیا میں ایک پیغام ضرور دے گیا ہے، کہ اس ڈپریشن، دماغی بیماری کو سنجیدگی سے لے کر اسے حل کرنے کی کوشش کریں، ٹھیک اسی طرح جس طرح کینسر، بخار، سمیت دیگر بیماریوں کے علاج کے لیے بھاگ دوڑ کرتے ہیں۔

By Fahad    |    In News   |    0 Comments    |    6752 Views    |    22 Sep 2022

Related Articles

Comments/Ask Question

Read Blog about امی مجھے معاف کرنا، میں زندگی سے تھک گیا ہوں ۔۔ نوجوان لڑکے کا موت سے چند لمحے پہلے والدہ کو لکھا گیا خط وائرل کیوں ہوا؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (امی مجھے معاف کرنا، میں زندگی سے تھک گیا ہوں ۔۔ نوجوان لڑکے کا موت سے چند لمحے پہلے والدہ کو لکھا گیا خط وائرل کیوں ہوا؟) and how to utilize other natural ingredients to cure diseases, easy recipes, and other information related to food from KFoods.