اسد صدیقی کے والد انتقال کر گئے..

پاکستان کے نامور اداکار اسد صدیقی کے والد اور اداکارہ زارا نور عباس کے سُسر انتقال کرگئے ہیں. اسد صدیقی نے والد کے انتقال کی خبر کو انسٹاگرام اسٹوری پر شیئر کرتے ہوئے لکھا کہ “میں نے 6 فروری کی شام کو اپنے خاندان کا سب سے مضبوط شخص ، اپنی ہمت، اپنی طاقت اور اپنا سب کچھ کھودیا. میرے والد کے اس دنیا سے چلے جانے سے ہماری زندگی میں ایک بہت بڑا خلا پیدا ہو گیا ہے اور ہم شدت غم سے نڈھال ہیں. ابا ہماری طاقت، حکمت اور غیر مشروط محبت کا ستون تھے. ابا کی موجودگی ہمارے خاندان کی روشنی تھی جبکہ اُن کی غیر موجودگی نے ہمیں گہرے غم سے دوچار کردیا ہے، اُن کی 85 سالہ زندگی ہمیشہ ہمیں متاثر کرتی رہے گی”

اسد صدیقی نے اس دکھ کے موقع پر مداحوں سے دعا کی درخواست کرتے ہوئے لکھا کہ “اس مشکل وقت میں میرے مرحوم والد اور ہمارے خاندان کے لیے لازمی دُعا کریں”

زارا نور عباس نے بھی مرحوم سسر کے انتقال کی خبر شئیر کی جس کے بعد مداحوں کے علاوہ شوبز شخصیات بھی تعزیت کررہے ہیں.