ماں کو جگر دیا تو میری گود بھی بھر گئی۔۔ ماں کو جگر عطیہ کرنے والی بے اولاد بیٹی پر قدرت بھی مہربان ہوگئی! دل چھو لینے والی کہانی

“میں اپنے کیرئیر کے عروج پر تھی جب پتہ چلا کہ میری ماں کو جگر کی بیماری ہے۔ اس وقت یہ فیصلہ کرنا آسان نہیں تھا کہ میں اپنا جگر ماں کو عطیہ کرسکوں۔ لیکن میرے سسرال والوں نے بھی میرا ساتھ دیا۔ اس وقت میری اولاد نہیں تھی۔ شوہر نے کہا کہ اگر تمھاری جگہ میں ہوتا تو میں بھی یہی کرتا“

یہ کہنا ایک ایک ایسی عورت کا ہے جس کی بوڑھی ماں کا جگر خراب ہوگیا تھا اور ڈاکٹر نے جواب دے دیا تھا۔ چونکہ بیٹی شادی شدہ اور ملک سے باہر تھی اس لئے فوری طور پر واپس آنا اس کے لئے بھی ممکن نہیں تھا۔

خاص طور پر اس وقت جب ویڈنگ فوٹوگرافر کے طور پر اس کا کام بھی بہت اچھا چل رہا تھا۔ بیٹی کی شادی کا 5 برس گزر جانے کے باوجود وہ اولاد کی نعمت سے محروم تھی

لیکن بیٹی سے ماں کی حالت نہیں دیکھی گئی اور اس نے جگر عطیہ کرنے کا فیصلہ کیا اور واپس اپنے ملک بھارت آگئی۔ جگر عطیہ کرنے کے بعد جب ماں ہوش میں آئی تو انھوں نے اپنی بیٹی کا ہاتھ تھام کر کہا "جو کچھ تم نے کیا وہ کوئی نہیں کرسکتا تھا"

جگر عطیہ کرنے والی عظیم بیٹی کا کہنا ہے کہ ماں کی زندگی تو بچی لیکن پھر مجھے خبر ملی کے میں بھی حاملہ ہوں۔ یہ بہت جذباتی تھا کیونکہ میں سالوں سے بے اولاد تھی۔ بلا شبہ اوپر والے نے ماں کی محبت کے بدلے مجھے بھی ماں بننے کا شرف عطا کیا۔